August 2024

Vakio ny IFM, toko 81: "Nitsangana ny Tompo", sy ny toko 86: `Mandehana any amin'ny firenena rehetra".

Vakio ny Mar. 16:14-20. Inona no nambaran'i Jesôsy tamin'ny mpianany rehefa niseho tamin'izy ireo Izy? Midika inona ho antsika ireo teny ireo ankehitriny?

Vakio ny Mar. 16:9-20. Inona ny fanampim-panazavana omen'ireo andininy ireo momba ny tantaran'ny nitsanganan'i Jesôsy tamin'ny maty?

Saika misy itoviany amin'ireo andininy hafa ao amin'ny TV ny voalaza ao amin'ny Mar. 16:9-20 - i Maria Magdalena nahita an'i Jesôsy teo amin'ny fasana (Mat. 28:1,9,10; Jao. 20:11-18; ampitahao amin'ny Lio. 8:2); nahita Azy ireo roa Iahy nankany an-tsaha (Lio. 24:13-35); naniraka azy roa ambin'ny folo Iahy i Jesôsy (Mat. 28:16-20, Lio. 24:36-49, Jao. 20:19-23).

"Niandry fatratra ny hahalasa ny oran'ny Sabata ireo vehivavy izay nijoro teo amin'ny hazo fijalian'i Kristy. Tamin'ny andro voalohany amin'ny herinandro, raha vao nazava ratsy ny andro, dia Jasa nankany amin'ny fasana izy, nitondra ireo zava-manitra sarobidy hanosorana ny fa -tin'ny Mpamonjy. Tsy nieritreritra ny momba ny hitsanganany amin'ny maty izy. Efa nilentika ny masoandron'ny fanantenany, ary nidina tao am-pony ny alina. Raha teny an-dalana izy, dia namerina nitantara ny asam-pamindrampo sy ny teny fampaherezana nataon'i Kristy.

Vakio ny Mar. 16:1-8 sy ny 1 Kôr. 15:1-8. Inona no iraisan'ireo andininy ireo?

Samy mitantara ny nitsanganan'i Kristy tamin'ny maty ny filazantsara efatra. Araka ny fomba fijeriny avy no nanoratan'ireo mpanoratra ny filazantsara izany tantara izany, kanefa foto-kevi-dehibe iray ihany no voizin'izy ireo, izay hita koa ao amin'ny 1 Kôr. 15:1-8.

Vakio ny Mar. 15:42--16:6. Inona no mitranga eto? Ary nahoana io tantara io no tena manan-danja ao amin'ny fitantarana momba ny fitsanganana amin'ny maty?

Miara-manaiky ny filazantsara efatra fa maty tamin'ilay andro antsoina hoe "Fiomanana" i Jesôsy (Mat. 27:62; Mar. 15:42; Lio. 23:54; Jao. 19:14,31,42). Manazava ny ankamaroan'ny mpandinika fa manomboka amin'ny filentehan'ny masoandro Alakamisy hatramin'ny filentehan'ny masoandro Zoma io andro io. Ny harivan'ny Zoma i Jesôsy no maty, ary nalevina haingana Izy tsy ho tratry ny filentehan'ny masoandro.

Hodinihina mandritra ny herinandro: Mar. 15:42-47; Mar. 16; Kôl. 2:10-12; 1 Kôr. 15:1-8; Dan. 9:24-27; Jao. 20:11-18.

Tsianjery: "Fa hoy ilay zatovo taminy: Aza talanjona; mitady an'i Jesôsy avy any Nazareta, Izay nohomboana tamin'ny hazo fijaliana, hianareo; efa nitsangana lzy; tsy ato Izy; jereo fa teo no nametrahany Azy."- Mar. 16:6. 

 Vakio ny "Tao amin'ny fitsaran'i Pilato" (toko 77), "Kaivary" (toko 78) ary ny "Vita" (toko 79) ao amin'ny IFM. 

Vakio ny Mar. 15:42-47. Inona ny hevitry ny fidiran’i Josefa avy any Arimatia an-tsehatra, indrindra noho ny tsy fahitana ireo mpianatr'i Jesôsy?

Taorianizany zavatra nifamahofaho izany dia toe-javatra "mahazatra" no nitranga. Tsy maintsy alevina mandrakariva ny maty. Misy teboka maromaro izay manaitra amin'ny lafiny ara-panahy anefa, ary misy ireo manan-danja fatratra ara-tantara.

Vakio ny Mar. 15:33-41. Inona ny hany teny nataon'i Jesôsy teo amin'ny hazo fijaliana araka ny filazantsaran'i Marka? Inona no hevitry ny fahafatesan'i Kristy ho antsika rehetra?

Asehon'ny filazantsaran'i Marka ho toy ny toerana feno haizina mikitroka ny hazo fijaliana, ni ara-batana izany na ara-panahy. Haizina tsy tahaka ny mahazatra no hita teo Kalvary nanomboka tamin'ny mitataovovonan'ny Zoma mandra-pahatongan'ny tamin'ny 3 folakandro. "Ary nony tamin'ny ora fahenina, dia tonga maizina ny tany rehetra, ka naharitra hatramin'ny ora fahasivy' Mar. 15:33.