MONINA EO AMIN'NY TANY
Hodinihina mandritra ny herinandro: Jos. 22; Efes. 6:7; Jao. 7:24; Nom. 25; Ohab. 15:1; 1 Pet. 3:8,9.
Tsianjery:
"Ny famaliana mora dia mampianina ny fahatezerana mafy; fa ny teny maharary mahatonga fahasosorana." - Ohab. 15:1
Mety hiteraka fifandonana na tsy fifanarahana indraindray ny fonenana anaty fiarahamonina iray. Mitombina izany ao anatin'ny fiarahamonina toy ny fiangonana, izay ahitana olona samy manana ny lasany sy ny saranga misy azy (ary notezaina tao anatin'ny kolontsaina samy hafa tanteraka koa aza indraindray) miara-miaina sy miara-miasa hanatratra tanjona iray.
Hodinihintsika amin'ity herinandro ity ny Jos. 22 sy ny olana iray nitranga noho ny fifandisoan-kevitra lehibe teo amin'ny vahoaka. Ao amin'ny fiandohan'ny boky, dia nisy foko nomen'i Josoa baiko mba hita an'i Jordana sy handray anjara amin'ny fakana ny tany miaraka amin'ireo foko tany an-dafy atsinanan'i Jordana (Jos. 1:12-18). Rehefa tontosa izany asa izany, dia nasaina niverina any amin'ny taniny izy ireo. Nanorina alitara teo an-dafy atsinanan'i Jordana anefa izy ireo, izay nahatonga fahatezerana teo amin'ireo foko tany andrefan'i Jordana.
Nahoana no mampidi-doza ny fanaovana tsoa-kevitra haingana loatra mikasika ny fihetsiky ny hafa sy ny zavatra ataony? Ahoana no hahafahantsika mandrisika ny firaisana eo anivon'ny fiangonana? Nahoana no zava-dehibe ny fihazonana an-tsaina ny fidadasiky ny fiantsoana antsika mba tsy hahatonga ny saintsika mora ho variana amin-java-kafa? Ireo no fanontaniana vitsivitsy hodinihintsika mandritra ity herinandro ity.
*Famerenana ny lesona ny sabata 13 Octobra.