"Aza samy mihevitra ny azy ihany, fa samy ny an'ny namany koa. Aoka ho ao aminareo izao saina izao, izay tao amin'i Kristy Jesôsy koa." - Fil. 2:4,5.
Mofon’aina:
Tsy misy fenitra ampianarin'ny filazantsara mahakasika ny fitsipi-pitondrantena afa-tsy ny toetran'Andriamanitra izay tanteraka sy ny Sitrapony. Takin'Andriamanitra ny hanarahan'ny voariny ny Sitrapony. Fahotana ny tsy fahatanterahan-toetra, ary ny ota no fandikana ny lalàna. Ao amin'Andriamanitra ny toetra tsara rehetra izay tonga lafatra sy mirindra tsara. Manana tombontsoa hanana ireo toetra ireo izay rehetra mandray an'i Kristy ho Mpamonjy ny tenany manokana. (...)
Be voninahitra manao ahoana re ireo tombontsoa fanararaotra marobe atao eo anoloan'ny taranaka lavo! Nasehon'Andriamanitra tamin'ny olombelona ny fahamboniana mety ho tratran'izy ireo; amin'ny alalan'ny fahamendrehan'i Kristy no anandratana azy hiala amin'ny toerana mahonena misy azy mba ho voadio sy sarobidy lavitra noho ny volamena avy any Ofira. Azon'izy ireo atao ny ho tonga mpiara-dia amin'ireo anjely ao amin'ny voninahitra ary koa ny haneho taratra ny endrik'i Jesôsy Kristy ka hamirapiratra amin'ny famirapiratan'ny seza fiandrianana mandrakizay. Tombontsoa omena azy ny hanana finoana fa hovana tsy mety maty izy amin'ny alalan'ny herin'i Kristy. Eo anatrehan'izany anefa, dia zara raha tsapany ny fahamboniana mety ho tratrany raha avelany hitari-dalana azy isaky ny indray mandingana Andriamanitra!
Omen'Andriamanitra fahalalahana hitana ny maha-izy azy ny tsirairay. (...) Ireo izay maniry ny hanana saina sy toetra voaova dia tsy tokony hijery ny hafa fa hibanjina ilay Ohatra avy any an-danitra. (...)
Ilay zavatra rehetra sy ao amin'ny zavatrarehetra no Ohatra ho antsika, Ilay Kômandin'ireo arivoarivo, Ilay manana fahamboniana tsy manam-paharoa. Tamim-pitiavana no netezany hiaina tahaka antsika (...) mba ho azon'izao rehetra izao hotahafina ny Fiainany. Tafaray tao amin'i Kristy ny harena sy ny fahantrana, ny fiandrianana sy ny fietrena, ny fahefana tsy voafetra sy ny fahalemem-panahy ary ny fanetren-tena, izay ho hita taratra eo amin'ny fanahy rehetra mandray Azy. Tao Aminy, tamin'ny alalan'ireo fahaiza-manao sy ny fisainana maha-Olona Azy, no nanehoana ny fahendren'ny Mpampianatra lehibe indrindra izay tsy mbola fantatr'izao tontolo izao. - ST, 3 Septambra 1902.