"Avia, ka aoka hiondrika sy hiankohoka isika; aoka isika handohalika eo anatrehan 'i Jehôvah , Mpanao antsika." - Sal. 95:6.
Mofon’aina:
Efa nanafatrafatra ny mpianany i Kristy fa ilain' izy ireo ny manokana fotoana h ivavahana. Nanomboka sy nanamas ina ny asa tsirairay nataon'i Kristy ny vavaka. (...) Zava-dehibe ny nandaniany alina manontolo nivavahana tany an-tendrombohitra sy tany an'efitra ho fanomanana azy hiatrika ireo fitsapana niandry azy tamin'ireo andro manaraka. Tsapany fa nila famelombelomana sy fanatanjahana ara-panahy sy ara-batana Izy mba hahafahany miatrika ireo fakam-panahin'i Satana. Ary izay miezaka hanaraka ny oha-piainany dia hahatsapa filana toy izany koa.
Nanaiky hisolo antsika sy ho antoka ho antsika i Kristy, ary tsy misy ataony tsinontsinona na iray aza Noho ny fankatoavany dia misy harem-pankatoavana tonga lafatra tsy hits lany azo tovozina. Miakatra any an-danitra toy ny setroka mani-pofona, miaraka amin' ny vavaka asandratry ny vahoakany, ny fahamendrehan'i Kristy sy ny fandavan-tenany ary ny fahafoizan-tenany (...) Manjary hanitra ankasitrahana koa ny vavaka ataontsika (...)
Aoka hotsaroan'ny rehetra fa azo takarina amin'ny saina fotsiny ny zava-miafin'ny fanjakan'Andriamanitra. Ny finoana mahatoky sy ny vavaka marina dia mahery tokoa! Tsinontsinona ny vavak'ilay Fariseo, fa ny an'ilay mpamory hetra kosa dia re tany an-danitra ambony, satria io no maneho fianteherana sy fifikirana amin'Ilay mahefa ny zavatra rehetra. Menatra ny amin'ny tenany ilay mpamory hetra. Tsy maintsy ho toy izany koa ny amin'izay rehetra mitady an'Andriamanitra. Ny finoana sy ny vavaka no sandry roa amihinan'ny mpivavaka mila vonjy Hay fitiavana tsy manam-petra. (...)
Miresaka amin'i Jesôsy isika eny an-dalana, ary hoy Izy amintsika: "Eto ankavananao Aho." Afaka miara-dalana amin'i Kristy isan'andro isika. Rehefa mamboraka ny faniriantsika Aminy isika, dia mety tsy ho ren'ny sofin'olombelona izany, kanefa tsy ho very an-javony tsy akory, na eo aza ny tabataba sy ny rotoroton'ny fiainana. (...) Andriamanitra no iresahantsika, ary re ny vavaka ataontsika. Koa mangataha. "Mangataha, dia omena hianareo." - RH, 30 Olctobra 1900.