"Tsara Jehovah amin'izay manantena Azy, dia amin'ny olona izay mitady Azy." - Fit. 3:25.
Mofon’aina:
Vitsy ihany ireo mahatakatra tsara na manome lanja araka ny tokony ho izy ny tombontsoa sarobidin'ny vavaka. Tokony hanatona an'i Jesosy isika ary hilaza Aminy izay ilaintsika. Azontsika entina eo Aminy ny zava-madinika manahirana ny saintsika, tahaka ireo olana lehibe kokoa. Na inona na inona mampitebiteby na mahakivy antsika, dia tokony hoentintsika eo amin'ny Tompo amin'ny alalan'ny vavaka izany.
Fitahiana sarobidy maro no verin-tsika amin'ny tsy fanaovantsika izany. Izy Ilay Mpanolo-tsaina mahagaga. Manan-danja lehibe Aminy ny fiangonana, ary amim-pitiavana sy fangorahana no ijereny azy. (...)
Aza mitsahatra mivavaka. Raha mitaredretra ny val i ny dia andraso ihany. Apetraho eo an-tongotry ny Mpamonjy ny drafitrao rehetra. Aoka hahery hivavaka arnin'Andriamanitra ianao. Raha ho von inahitr' A ndriamanitra izany dia hotononina ireto teny manome toky ireto hoe: "Aoka anie ho tonga aminao araka ny teninao."
Tsy hanasatra an'i Kristy velively ny fitalahoantsika mafy indrindra. (...) Aoka ny molotsika tsy hamoaka fitarainana. Finoana sy herim-po no resaho eo am-piandrasana Azy (...) Tandremo ny fisalasalana, andrao ho tonga fahazaran-dratsy hamono ny finoana izany. Mety hanjavozavo sy tsy hay hazavaina ny fitondran'ny Raintsika any an-danitra, fa tsy maintsy mitoky Aminy isika na izany aza. — L, 123, 1904.
Oh, sarobidy loatra i Jesosy ho an'izay matoky Azy! Saingy maro no mandeha amin'ny maizina satria nandevina ny finoany ho eo ambanin'ny alok'i Satana. (...) Tsy azontsika atao mihitsy ny mamela an'i Satana hihevitra fa ny heriny manakivy sy misompatra antsika dia lehibe kokoa noho ny herin' i Kristy manandratra sy mampahery. (...)
Miharo amin'ny rani Kristy mahavonjy ny vavaka tsirairay atao amin'ny fo marina. Raha tsy mivaly eo no ho eo ny vavaka dia satria tian'Andriamanitra hanana fahasahiana masina hitaky Aminy ny teny fikasana isika. Mahatoky Ilay nanao ny teny fikasana. Tsy handao na oviana na oviana ny fanahy izay manolo-tena tanteraka ho Azy Izy. — Ms, 19, 1892.