Ary hahalala ny fitiavan’i Kristy, izay mihoatra noho ny fahalalana, mba hamenoana anareo ho amin'ny,fahafenoan'Andriamanitra rehetra.» - Efes. 3:19.
Mofon’aina:
Izay mankato tanteraka sy tsy misy fepetra an'Andriamanitra ihany no mendrika ny fonenana any an-danitra. Fantatr'Andriamanitra fa tsy ho tsapantsika ny hasarobidin'ny fanomezany raha tsy milefitra tanteraka Aminy isika, ka manao izay anomezam-boninahitra Azy mandrakariva. ( ...)
Na manao ahoana na manao ahoana toe-po sy fironana nolovaina na fahazarana anananao, dia natao hovolavolaina araka ny ohatra avy any an-danitra ny toetra. Tsy misy fialan-tsiny azontsika atao raha mifikitra amin'ny ohatra sy ny endrika nofaritantsika ihany isika. Tsy afaka mitahiry ny «izaho» nefa sady hofenoina ho amin'ny fahafenoan'Andriamanitra isika. Tsy maintsy foanantsika ny tenantsika. Raha ho tonga any an-danitra isika amin'ny farany, dia satria nanda ny tenantsika ka nandray ny sauna amam-panahy ary ny sitrapon'i Jesosy Kristy. ( ...) Vonona ye isika handoa ny saran'ny fiainana mandrakizay?
Vonona handi-nika ye isika ka hanombantombana ny vidiny sy hamaritra raha mendrika ny hanaovana fahafoizan-tena toy izany ny lanitra, dia ny famonoana ny «izaho» sy ny fampileferana ny sitrapontsika hotefena hifandrindra tanteraka amin' ny sitrapon'Andriamanitra? Raha tsy mbola vita izany dia tsy hanandrana ny fahasoavan' Andriamanitra manova antsika isika.
Vantany vao manatona ny Tompo Jesosy ao anatin'ny fahafoanan'ny tenantsika isika mba hanao ny asany, dia hofenoiny amin'ny Fanahiny Masina ny banga ao anatintsika. Mahazo matoky isika fa homeny antsika ny fahafenoany. Tsy tiany ho very isika. Mihoatra noho ny fahamehan'ny filantsika an'Andriamanitra ny faniriany antsika hanokana ny momba antsika rehetra ho amin'ny fanompoana Azy. (...)
Tsy misy fetra ny mandrakizay. Fohy ihany ny fiainantsika eto an-tarry (...). Koa ho amin'inona sy ho an'iza no ivelomantsika sy iasantsika? Ary inona no ho vokatr 'izany?
Ilaintsika isan'andro ny fivavahan'i Jesosy Kristy. Voamarik'Andriamanitra avokoa izay rehetra ataontsika sy lazaintsika. Dinihin' izao tontolo rehetra izao sy ny anjely ary ny olona isika. (...) Natao haneho ny toetran'i Kristy ny fiangonany (...). Na nanana fironana tahaka antsika olombelona ihany aza Izy, dia tsy mba nilavo lefona teo anatrehan'ny fakam-panahy hanao fihetsika tsy madio, tsy manandratra, na tsy mahamendrika. — L. 27, 1892.