Inona no atao hoe fahombiazana eo amin'ny famitana ny iraka? Mety halaim-panahy isika hieritreritra fa batisa marobe izany, na fiangonana lehibe sy mambra mitombo isa haingana. Mety hieritreritra isika fa ny fahombiazana dia ny fitondrana ny fahamarinana any amin'ny fokom-pirenena rehetra sy any amin'ny vondron'olona rehetra eto an-tany, ary koa ny fahafahantsika manafaingana izany amin'ny fampiasana ny onjampeo sy ny aterineto ary ny fahitalavitra. Na dia mety ho tsara aza ireo rehetra ireo dia tokony hotadidintsika izay nosoratan'i Paoly ho an'ireo mpianakavin'ny finoana tao Korinto: "Izaho namboly, Apolosy nandena, fa Andriamanitra no nampitombo"- 1 Kôr. 3:6. Raha lazaina amin'ny teny hafa dia tokony hifantoka amin'ny dingana arahina isika, fa Andriamanitra kosa no miantoka ny fitomboana.
Efa hitantsika fany tanjon' Andriamanitra amin'ny iraka dia ny hamonjy ireo very any amin'ny vondron'olona rehetra eto an- tany amin'ny alalan'ny fanaovana azy ireo ho mpianatra mahatoky amin'i Jesosy ary mandray anjara amin'ny iraka ampanaoviny.
Vakio ireto andininy manaraka ireto. Inona no ambaran'ireo amintsika momba ny toetran'ny olona tonga mpanara-dia an'i Jesôsy?
2 Kor. 11:2
Isa. 30:21; Jao. 10:27; Jao. 16:12, 13