Vakio ny Asa. 18:4-8. Inona no vokatry ny asa fitorian'i Paoly?
Tsy nahitam-bokatra araka ny nantenainy ny asan'i Paoly teo amin'ny Jiosy tany Korinto. Tsy maintsy niatrika fanoherana sy fankahalana izy. "Nanohitra sy niteny ratsy ireo-Asa. 18:6, hoy ny Baiboly. Rehefa olombelona no iantefan'ilay matoanteny grika hoe blasphemeő ("miteny ratsy"), dia midika izany fa alaim-baraka sy haratsina izy. Raha lazaina amin'ny teny hafa, dia nikasa ny handoto ny lazan'i Paoly izy ireo, sy hanakana ny ezaka misionera ataony tsy hahomby.
Soa ihany fa tsy very maina ny asan'i Paoly tao amin'ny synagoga tany Korinto. Andriamanitra rahateo tokoa no tompon'ilay iraka. Nanome toky Izy hoe: "ny teniko (...) tsy hiverina amiko foana" - Isa. 55:11. Tsy nanampo ny Jiosy sasany fa hanaiky an'i Jesosy ho Mesia ary hatao batisa i Krispo, mpanapaka ny synagoga, mbamin'ny ankohonany (Asa. 18:8). Tsy izy ireo ihany, fa "maro koa ny Korintiana, rehefa nandre, dia nino ka natao batisa" - Asa. 18:8. Azo inoana fa noho ny hery miasa mangina avy amin'i Krispo koa izany.
Vakio ny Asa. 18:9, 10. Inona no azontsika lazaina momba ny fihetseham-pon'i Paoly manoloana ny olana natrehiny tao Korinto? Inona no nataon'Andriamanitra mba hampaherezana ny mpanompony?
Vantany vao niala tao amin'ny synagoga i Paoly, dia nahazo fampaherezana. I Kristy mihitsy no niteny taminy tamin'ny alalan'ny fahitana ny alina, izay mampahatsiahy ny ao amin'ny Isa. 41:10: "Aza matahotra hianao, fa momba anao Aho". Niaiky tokoa i Paoly "azon'ny fahalemena sy ny fahatahorana ary ny fangovitana be" izy tany Korinto (1 Kôr. 2:3). Tsy maintsy niala tany Beria nankany Atena izy noho ny fanoherana mafy. Mety ho nihevitra izy fa tsy maintsy handao an'i Korinto koa noho io antony io ihany: ny fanoherana mafy. Saingy tsy nitranga izany tamin'ity indray mandeha ity. Hoy i Jesosy taminy: "Manana olona maro amin'ity tanana ity Aho" -Asa. 18:10. Ary i Paoly no fitaovana nampiasainy hitondra ny vaovao mahafalin'ny famonjena ho azy ireo.
Vakio ny Isa. 41:10. Inona avy Ireo teny fikasana mahafinaritra omena antsika ao amin'io andalan-tSoratra Masina fohy lo? Inona no tokony ho vokatr'izany eo amin'ny fialnanao isan'andro?