Hodinihina mandritra ny herinandro: Fit. 3:22,23, 2 Tim. 3:15-17: Jao. 17:17, Efes. 1:13, Sal. 119:11:1 Kor. 2:14.
Tsianjery
"Fa velona sy mahery ny tenin ‘Andriamanitra ka maranitra noho ny sabatra roa lela, ka manindrona hatramin'ny fampisarahana ny aina sy ny fanahy ary ny tonona sy ny tsoka, ka mahay mamantatra ny eritreritra sy ny fisainan'ny fo- Heb. 4:12.
Ny Baiboly. Tsy isalasalana fa manana iray ianao, na angamba maromaro. Teo amin'ny tantara, ity boky sarobidy ity dia nadika tany amin'ny miafina, nampidirina an-tsokosoko, ary norarana. Izy no boky natonta betsaka indrindra eran-tany, amin'ny fiteny rehetra, ary anisan'ny tranainy indrindra koa. Nisy ireo namoy ny ainy ha fiarovana ny Baiboly.
Aiza no toerana misy ny Baiboly eo amin'ny fiainanao? Vakinao ve izany sa mipetraka eo an-doham-pandrianao na eo amin'ny fitoeram-boky manangom-bovoka fotsiny? Be erehina loatra ve ianao eo amin'ny fiainana ka tsy mahita fotoana handalinana marina ny Tenin'Andriamanitra sa mahatsiaro ho reraka loatra ka tsy mahavita manokatra ny pejiny? Velona sy mahery ny Tenin’Andriamanitra, ary miantso anao Andriamanitra mba hamela izany hiteny amin'ny fonao, hampahery anao, hanitsy sy hanova anao. ary hitari-dalana sy hanome anao fanantenana.
Ny Baiboly dia tsy boky fianarana na boky mirakitra tantara fahiny fotsiny. Manambara amin'ny fomba kanto sy lalina kosa izany ny amin'ny fiezahan'llay Mpahary izao rehetra izao hitaona antsika hanakalky Azy. Raha manam-paniriana hitombo amin'ny fifandraisana amin'Andriamanitra ianao, ny zavatra tsara indrindra azonao atao dia ny manokana fotoana iarahana Aminy isan'andro amin'ny alalan'ny vavaka, ny famakiana ny teniny masina, sy ny fampileferanao ny sitraponao hifanaraka amin’izay ampianariny.
*Famerenana ny lesona ny sabata 25 Aprily.