Vakio ny Jao. 1:12,13. Inona avy ireo dingana ho amin'ny fahatongavana ho Kristianina voalaza eto?
Nanoratra ny filazantsarany i Jaona mba hinoantsika an'i Jesôsy , ary mba hananantsika fiainana mandrakizay amin'ny Anarany noho ny finoantsika (Jao. 20:31). Mizara ho din dingana roa izany ao amin'ny Jao. 1:12,13. Voalohany. mandray Azy isika, izany hoe, mino Azy. Faharoa, omeny antsika ny fahefana ho tonga zanak Andriamanitra; "naterak'Andriamanitra" no ilazana izany ao amin'ny and. 13. Araka izany, samy mandray anjara amin'ny fahatongavantsika ho Kristianina na isika olombelona na Andriamanitra. Tsy maintsy miasa amin'ny finoana isika, mandray Azy, manaiky handray ny fahazavana, fa Izy irery kosa no manavao ny fo.
Raha ny marina, ny finoana dia fanomezan'Andriamanitra izay azo avy amin'ny fandrenesana ny Teniny (Rôm. 10:17). "Mba hananantsika finoana marina, izay mitoetra ao amin'i Kristy, dia tsy maintsy mahalala Azy araka izay anehoan'ny teniny Azy isika." - Fundamentals of Christian Education, t. 433. "Ilay Fanahy izay miasa ao amin'ny fisainan'ny olombelona sy manazava izany no mamorona ny finoana an'Andriamanitra ao anaty." - SDABC, b. 7, t. 940.
Ireo izay mino sy manaiky ny Zanak'Andriamanitra ho Mesia no mahazo ny fiainana mandrakizay. Asongadin'i Jaona koa ny fanekena na ny finoana ny Teny izay lazain'i Jesôsy (Jao. 5:24, 38, 47). Anjara asan'ny Fanahy Masina ny mandresy lahatra (Jao. 16:7, 8; ampitahao amin'ny Rôm. 8:16).
Vakio ny Rôm. 8:16. Inona ny foto-kevitra momba ny famonjena ao amin'i Jesôsy hita eto?
Ny finoana araka ny Baiboly, izay miorina amin'ny fiasan'ny Fanahy Masina ao am-pontsika, no fanorenan'ny finoantsika. "Ny finoana dia fitahiana lehibe ny maso izay mahita, ary ny sofina izay mandre." - HP, t. 104. Ny fomba fijery ny finoana amin'ny maha-olombelona dia milaza fa tsy maintsy manana fanorenana sy fepetra ho an'ny finoana aloha isika vao mino. Mifanohitra amin'izany kosa ny fomba fijerin'ny Baiboly, izay milaza fa ny finoana no fanorenana; fanomezana avy armin'Andriamanitra izany (Efes. 2:8; 1 Kôr. 1:17-24; 1 Kôr. 2:1-6). 2:1-6). Eo amin'ny fanorenan'ny finoana isika no miainga, ary avy eo no hitomboantsika ho amin'ny fahatakarana sy ny fahasoavana.
Raha misy manontany anao ny amin'izay fototra iorenan'ny finoanao, inona no havalinao azy?