Vakio ny Apok. 12:12,17 sy ny Apok. 13:7. Ahoana no anehoan'ireo andininy ireo ny firehetan’ny fahatezeran'i Satana? Nahoana ny devoly no tezitra mafy amin'ny vahoakan'Andriamanitra amin'ny andro farany?
Miresaka ny amin'ny ady ifanaovan'i Kristy sy i Satana manerana ny vanim-potoana rehetra eo amin'ny tantara ny Apôk . 12. Tonga amin'ny faratampony izany amin'ny fanafihana farany ataon'i Satana amin'ny vahoakan'Andriamanitra. Ny Apôk. 13 dia maneho ireo mpiara-dia roa amin'ny dragona, dia ny bibidia avy amin'ny rano sy ny bibidia avy amin'ny tany. Miara-miasa aminy ireo fahefana roa ireo mba hiady amin'ny vahoakan'Andriamanitra.
Vakio ny Apôk . 13:4, 8, 12, 15 sy ny Apôk. 14:7, 9-11. (Jereo koa ny Apôk. 15:4; Apôk . 16:2; Apôk. 19:20; Apôk. 20:4; Apôk . 22:9.) Inona ny hevitra manan-danja indrindra hita ao amin'ireo andininy ireo?
Mariho ny fifanoherana eto. Na amin'ny Mpahary ny olona no miankohoka na amin-javatra hafa. Ny Mpahary no mendrika ny hiankohofana (Apôk . 5:9). Ny fifanandrinana misy eo amin'i Kristy sy i Satana dia nanomboka tany an-danitra ary mikasika ny fiankohofana izany: "Hiakatra ho any ambonin'ny havoan'ny rahona aho ka ho tahaka ny Avo Indrindra"- Isa. 14:14. Nirin'i Satana hatao aminy ny fiankohofana izay an’ny Mpahary irery ihany. Araka ny Apôk. 13 dia nahomby izy tamin'ny alalan'ny asan'ilay bibidia avy amin'ny tany (Apôk. 13:4).
Ny fampitahana amin'ny Dan. 7 dia maneho fa io bibidia avy amin'ny tany io ihany no ilay tandroka kely izay "mitady hanova fotoana sy lalana" ary mampihatra fahefana mandritra ny 1260 "andro" ara-paminaniana, izany hoe mandritra ny 1260 taona (Dan. 7:25; ampitahao amin'ny Apôk. 13:5; jereo ny lesona 6). Ny didy fahefatra no hany ampahany amin'ny didy folon'Andriamanitra izay mamaritra fotoana. lo fiangonana io no niezaka ny hanova ny andro fivavahana Sabotsy izay andro fahafito ho amin'ny Alahady, andro voalohany amin'ny herinandro.
Ny fitadiavan'ny fahefana iray eto an-tany hanova ny andro fivavahana Sabata andro fahafito izay nomen'Andriamanitra ho famantarana ny Fahefany (Eks. 31:13; Ezek. 20:12,20) dia fiezahana haka an-keriny ny fahefan'Andriamanitra amin'ny fotony araka izay azo atao. lo teboka io, araka izany, no ivon'ny fifanandrinana farany mahakasika ny fiankohofana tena izy sy ny sandoka.
Izany no antony iantsoan'ny Apôkalipsy ny vahoakan'Andriamanitra mahatoky hoe: ireo "izay mitandrina ny didin'Andriamanitra" (Apôk. 12:17, Apok. 14:12). Anisan'izany ny Sabata andro fahafito, fa tsy ny Alahady. Ireo izay manda ny antso farany ataon'ireo anjely telo mba hiankohofana amin'Andriamnaitra amin'ny androny masina (Isa. 58:13) ary koa miankohoka amin'ny bibidia amin'ny sabatany sandoka (ny Alahady) dia handray ny mariky ny bibidia (jereo ny lesona 11).