"Fa izay rehetra voasoratra fahiny dia nosoratana ho fianarantsika hananantsika ny fanantenana amin'ny faharetana sy ny fiononana avy amin'ny Soratra Masina." - Rôm. 15:4.
Mofon’aina:
Tsy namafy voan'ny Tenin' Andriamanitra ireo mpampia- natra teo amin'ny Israely. Ny asan'i Kristy tamin'ny maha-mpampianatra ny fahamarinana Azy dia nifanohitra indrindra tamin'izay nataon'ny Raby tamin'ny androny. Nitoetra teo amin'ny lovan-tsofina, teo amin'ny vinavinan-kevitra sy ny hevi-dravin' olombelona izy ireo. Matetika izay nampianarin'ny olona sy nosoratany momba ny teny dia nomeny ny toeran'ny teny mihitsy. Tsy nanan-kery hamelombelona ny fanahy ny fampianarany. Ny Tenin'Andriamanitra no votoatin'ny fampianaran' i Kristy sy ny toriteniny. Notsenainy tamin'ny "voasoratra hoe" mazava ny mpanontany Azy. "Tsy mbola novakinareo va ny teny ao amin’ny Soratra Masina?" - Mat. 21:42, "Manao ahoana no famakinao azy?" - Lio. 10:26. Isaka ny misy fotoana mety, (...) dia namafy ny voan'ny teny Izy. Izy Ilay Lalana sy Fahamarinana ary Fiainana. Izy mihitsy Ilay Teny velona no nanondro ny Soratra Masina nanao hoe: "Ireny no manambara Ahy". Ary "nanomboka hatramin'i Mosesy sy ny mpaminany rehetra Izy", ka nanambara tamin'ny mpianany, "ny hevitry ny teny milaza Azy ao amin'ny Soratra Masina rehetra".
Ny mpanompon'i Kristy dia tokony hanao asa soa toy izany koa. Amin' izao androntsika izao, tahaka ny fahiny, dia avela ireo fahamarinana misy aina ao amin'ny Tenin'Andriamanitra ka atakalo vinavinan-kevitra sy hevi-dravin'olombelona. Maro ireo izay milaza ho mpitory ny Filazantsara no tsy manaiky ny Baiboly manontolo ho teny avy amin'ny tsindriman-drin ' Andriamanitra. (…) Manao fanamarihana toa ambony noho ny tenin'Andriamanitra izy ireny ka ny Soratra Masina izay tena ampianariny dia mifototra amin'ny fahefan'ny tenany ihany. Potika amin'izay ny maha-izy ny Soratra Masina avy amin'Andriamanitra. Amin'izay dia miparitaka lavitra ny voan'ny tsy finoana, satria mikorontana ny ao an-tsain'ny olona ary tsy fantany intsony izay hinoana. Be dia be ireo finoana tsy tratry ny saina hodinihina. Tamin'ny andron'i Kristy dia nanangana rafitra noterena sy saro-pantarina teo amin'ny ampahany maro amin'ny Soratra Masina ny Raby. (...) Atao koa izany zavatra izany ankehitriny. Atao izay hisehoan'ny Tenin'Andriamanitra ho zavatra saro-pantarina sy maizina mba hanala tsiny ny fandikany ny lalàna. Notenenin'i Kristy mafy ireny fomba amam-panao ireny tamin'ny androny. (...) — HF, tt. 22,23.