"An'i Jehovah Andriamanitsika ny zava-miafina; fa antsika sy ny zanatsika mandrakizay kosa ny zavatra ambara, hankatoavantsika ny teny rehetra amin' ity lalàna ity." - Deo. 29:28.
Mofon’aina:
Asa manokana ataon'i Satana ny mitarika ny olombelona lavo hikomy amin'ny fitondram-panjakan'Andriamanitra, ary nahomby tokoa izy tamin'ny ezaka nataony. (. ,.) Naneho fankahalana manokana ny didy fahefatra izy satria manondro ilay Andriamanitra velona izany, dia ilay Mpanao ny lanitra sy ny tany. Resy 1a hatry ny paikadiny ny olona ka niala ta min'ireo fitsipika mazava avy amin' i Jehovah mba handray anganongano feno tsy fahatokiana.
Tsy hanana fialan-tsiny izy ireo amin' izany. Efa nanome porofo ampy ampiorenana ny finoana Andriamanitra, raha maniry hino ny olona. Amin'ny andro farany, dia mila tsy ho hita eto an-tany ny finoana tena izy. Hoheverina fa tsy azo antoka ny Tenin'Andriamanitra, (...) horaisina kosa ny fisainan'olombelona na dia m fanohitra amin'izay ambaran'ny Soratra Masina mazava aza. Hiezaka mafy ny lehilahy sy ny vehivavy hanazava ny asa famoronana amin'ny alalan'izay zava-miseho eo amin'ny zavaboary. Tsy mbola nampahafantarin'Andriamanitra ny olona mety maty mihitsy ny fomba niasany tamin'ny Famoronana. Tsy mety ho takatry ny siansan'ny olombelona ny tsiambaratelon' ilay Andriamanitry ny lanitra. (...)
Olona mitonona ho mpiasan' Andriamanitra no manandratra ny feony hanohitra ny famotopotoran'ny faminaniana, ary milaza amin'ny hafa fa feno zava-miafina ny faminaniana (...), indrindra izay ao amin'ny bokin'i Daniela sy i Jaona. Ny sasany amin'ireny olona ireny anefa dia mandray amim-pifaliana ny petra-kevitry ny mpandinika momba ny haibolantany izay manohitra ireo asa soratr Mosesy. Raha tena saro-takarina tokoa ny sitrapon'Andriamanitra izay ampahafantariny, dia tsy tokony hanankina ny finoany amin'ny fiheverana tsy marim-pototra mikasika izay tsy nambaran'Andriamanitra ny olona. Ny lalan'Andriamanitra tsy lalantsika ary ny fiheviny tsy fihevitsika. (...) Nampiasain'ny olona tsy araka ny tokony ho izy, noho ny fisainany feno avonavona, ireo zavatra nokendren'Andriamanitra hitarihana azy ireo ho amin'ny fanandratana Azy. Latsaka ao anatin'ny fahadisoana tahaka izay nanjo ireo olona talohan'ny Safodrano izy ireo - izay nomen'Andriamanitra azy ho tombony, dia navadiny ho ozona noho ny fampiasany izany tsy araka ny tokony ho izy. - ST, 20 Marsa 1879.