"Izay tsy nahalala ota dia efa nataony ota hamonjy — 2 Sam. 1 antsika, mba ho tonga fahamarinan 'Andriamanitra ao Aminy kosa isika." - 2 Kôr. 5:21.
Mofon’aina:
Tsy niaro ny Zanany ilay Andriamanitry ny fahamarinana (...) Ny trosa rehetra noho ny fandikana ny lalàn' Andriamanitra dia notakina tamin'ilay Mpanelanelana antsika. Fanavotana feno no nilaina. Ary marina tokoa ny voalazan'i Isaia, manao hoe: "Nefa sitrak'i Jehovah ny hanorotoro sy hampangirifiry Azy." (...) "Nefa Izy dia voalefona noho ny fahadisoantsika sy notorotoroina noho ny helotsika." - Isa. 53:10,5.
Nijaly sy nandray ny sazy faratam-pony i Jesosy noho ny fandikantsika lalana, ka afa-po tanteraka ny rariny. Tsy nofoanana ny lalàna; tsy nisy very na dia tsipiriany bitika aza amin'ny heriny fa mijoro amin'ny fahamendrehana masina izy, ary ny fahafatesan'i Kristy teo amin'ny hazo fijaliana no manambara ny tsy fiovaovany. (...)
Andriamanitra tsy niaro ny Zanany Lahitokana, fa mba hanehoana ny halalin'ny fitiavany ny olombelona dia foiny ho antsika rehetra Izy. "Indro ny Zanak'ondrin 'Andriamanitra, Izay manaisotra ny fahotan'izao tontolo izao!" - Jao. 1:29. Indro Izy, maty teo amin'ny hazo fijaliana. Jereo ilay mitovy amin' Andriamanitra nefa esoin'ny vahoaka sy harabirabiny. Indro Izy tao Getsemane, nihohoka noho ny vesatry ny fahotan'izao tontolo izao.
(...) Henoy ny fitarainany: "Andriamanitra ô, Andriamanitra ô, nahoana no dia mahafoy Ahy Hianao?" - Mar. 15:34. Natao toy ny anankiray amin'ny mpanota Izy, mba ho azo hamarinina isika; mba ho marina Andriamanitra nefa koa manamarina ny mpanota. (...)
Tsy hay aseho ny fitiavana eo amin'ny Ray sy ny Zanaka. Tsy hita fetra izany. Ao Kristy no ahitan'Andriamanitra ny hatsaran-tarehy sy ny fahatanterahana izay ao Aminy. Mitalanjôna ry lanitra, ary aoka ho gaga ny tany, satria tsy niaro ny Zanany Andriamanitra fa nahafoy Azy mba hatao ota ho antsika, mba ho azo hamarinina eo anatrehan ' Andriamanitra ao Aminy izay mino.
Tsy misy tenin'olombelona mahalaza ny fitiavan'Andriamanitra. Inoantsika izany ary ifaliantsika, saingy tsy mety takatsika amin'ny fahafenoany. - Ms 31, 1911.