"Jesosy namaly ka nanao taminy hoe: Raha misy tia Ahy, dia hitandrina ny teniko izy; ary ny Raiko ho tia azy, ary hankao aminy Izahay ka honina ao aminy." Jao. 14:23.
Mofon’aina:
Diniho ny fifandraisana ety izay ambaran'i Kristy eto fa ifandraisan'ny Ray amin'ny zanany. Mitoetra fa tsy mandalo ny fanatrehany sy ny fiarovany. Raha matoky ny herin'i Kristy mahavonjy isika, dia tsy hahavita hanimba antsika ny hafetsena sy ny paikady rehetra ampiasain'ny herin'ny ratsy. Miaraka amintsika mandrakariva ireo anjelin'ny lanitra, mitarika sy miaro antsika. Nataon'Andriamanitra ho azo antoka ny hananantsika ny herin'ny farn onjeny, mba hahafahantsika manatanteraka ny Sitrapony rehetra. Aoka isika hifikitra amin'ny teny fikasany ary hankamamy izany isa-minitra. (...)- RH, 7 Janoary 1909.
Azon'ny mpino atao (...) ny hanana fanandramana ampy izay hahatonga azy hihavana amin'Andriamanitra. Ny teny fikasana rehetra ao amin'ny Soratra Masina dia mandrisika antsika ho mpiray amin'ny fomban' Andriamanitra. Tahaka izao izany: miantehitra amin'Andriamanitra, mino ny Teniny, manao ny Asany; azontsika tanterahina izany rehefa fikirintsika ny maha Andriamanitra an' i Kristy.
Sarobidy noho ny harena rehetra eto an-tany izany tombontsoa izany (...). Rehefa fikirintsika ny hery nataon'Andriamanitra eo amin'izay hahatrarantsika azy dia mandray izao fanantenana mafy orina izao isika: azontsika atao ny miankina tanteraka amin'ireo teny fikasan'Andriamanitra. (...). - RH, 14 Janoary 1909.
Misy fenitra ambony natao hotratrarin'ny Kristianina. Azony atao ny manatratra fenitra ambony kokoa hatrany. Nanana fornba fijery ambony momba ny tombontsoa ananan'ny Kristianina i Jaona; hoy izy: "Endrey! manao ahoana ny fitiavana nasehon'ny Ray ho antsika, dia ny niantsoana antsika hoe zanak'Andriamanitra." Jao. 3:1. Izany no fahamendrehana ambony indrindra mety ho tratran'ny olombelona. Nomena ny olona ny tombontsoa hahatonga azy ho mpandova an'Andriamanitra sy ho mpiara-mandova amin'i Kristy. Ho an'izay nasandratra ho amin'izany toerana izany no anehoana ny haren'i Kristy tsy hita lany, izay sarobidy lavitra noho ny haren'ny tany. Araka izany, amin'ny alalan'ny fahamendrehan'i Jesosy Kristy no anandratana ny olona mety maty ho amin'ny firaisana amin'Andriamanitra sy ny Zanany malalany. – SL, tt. 16, 17.