"Mamy dia mamy ny vavany, eny, mahate-ho-tia avokoa izy." - Tonk. 5:16.
Mofon’aina:
Diniho ny fiainan'i Kristy teto an-tany. Tsy mba nohamaivamaivaniny ny adidy madinika sy tsotra indrindra. Lavorary avokoa izay rehetra nataony. Mangataha fanampiana Aminy, dia homeny anao ny hery hahatontosanao ny adidinao isan'andro amin'ny fomba tsara sy mendrika toy izay ataon'ny olona mikatsaka ny satroboninahitry ny fiainana mandrakizay.
Ny fahalehibeazan'ny fiainan'i Kristy no tena halalinintsika, ary resahintsika ireo zava-dehibe sy misongadina nataony, ireo fahagagana vitany, ny fomba nitenenany ny ranomasina nisamboaravoara mba ho tony, ny nampahiratany ny jamba sy ny nampaladiany ny marenina, ny nananganany ny maty. Kanefa ny fifantohany tamin'ireo zava-madinika dia porofo lehibe kokoa aza maneho ny Fahalehibeazany. Henoy Izy miteny amin'i Marta raha niangavy Azy haniraka ny rahavaviny hanampy amin'ny raharaha fanompoana ravehivavy. Hoy Izy: "Marta, Marta, maro ahina sy maro herehina hianao; nefa zavatra iray loha no ilaina; fa Maria no efa nifidy ny anjara tsara, izay tsy halaina aminy." - Lio. 10:41,42.
Henoy ny teny nataony tamin'ireo renim-pianakaviana sasatra izay nitondra ny zanany mba hotahiny. Tsy tian'ireo mpianatra ho voahelingelina ny Tompony ka noroahiny ireo renim-pianakaviana ireo; kanefa hoy Kristy: "Avelao ny zaza hanatona Ahy, ary aza rarana; fa an 'ny toa azy ny fanjakan 'Andriamanitra." - Mar. 10:14. Nitrotro ireny zaza ireny Izy no sady nitahy azy. Raha nampahafantarina antsika ny hoavin'ireny zaza ireny, dia ho hitantsika ny reniny mampahatsiahy azy ireo ny zava-niseho tamin'io andro io ary namerina taminy ny teny feno fitiavana nataon'ny Mpamonjy. (...) Hay Jesosy nanao izany ihany no Mpamonjy anao. - RH, 7 Avrily 1904.
Fa i Kristy, Ilay manana toetra tsara mihoatra lavitra noho ny olona tsara indrindra, Ilay nambaran'i Solomona hoe: "notsongaina tamin 'ny alinalina (. .), env maha-te ho tia" - TonK. 5:10, 16 (...) Ilay Mpanavotra nanda tena, fony nanefa ny asany tety an-tany, (...), Izy no vavolombelona hita maso fa marina sy tsara ny lalan'Andriamanitra." - S, t. 46.