"Fa hoy Jesôsy: Nisy olona manendry Ahy: fa fantatro fa nisy hery nivoaka avy tamiko." - Lio. 8:46
Mofon’aina:
Misy karazam-pifandraisana roa eo amin'ny sampana sy ny voaloboka. Mamitaka sy ivelambelany fotsiny ny iray amin'ireo.
Tsy nanana fifandraisana velona tamin' i Kristy, amin'ny alalan'ny finoana tena izy, ireo vahoaka nifanizina taminy. Nisy vehivavy mahantra iray anefa, izay nijaly nandritra ny taona maro ary koa nandany ny hareny rehetra tamin'ny mpitsabo samihafa saingy tsy nahita fihatsarana (...). Nihevitra io vehivavy io fa raha toa izy afaka manakaiky an'i Kristy ka mikasika na dia ny somotraviavin-dambany aza, dia ho sitrana tanteraka. Fantatr'i Kristy avokoa ny tao am-pon'ity vehivavy ity rehetra, ary nankeo amin'ny toerana izay nahafahan-dravehivavy nisitraka ny tombontsoa niriny Izy. Izany no nampiasain'i Kristy mba hanavahana ny fikasihan'ny finoana tena izy amin'ny fikasihana kianjoanj on' ireo izay nifanizina nanodidina Azy. (...)
Rehefa nanatsotra ny tanany sy nikasika ny morotongotr'akanjon'i Jesôsy ravehivavy, dia noheveriny fa tsy hisy hahalala izany (...). Fantatr'i Kristy anefa izany fikasihana izany ka novaliany tamin'ny heriny manasitrana ny finoan-dravehivavy. Tsapan-dravehivavy teo no ho eo fa sitrana izy.
Tsy hamela ny finoana toy izany tsy hisy hahalala i Jesôsy Tompo. Nitodika haingana Izy ary nanao hoe: "Iza moa no nanendty Ahy?" Nanodidina an'i Jesôsy avokoa ireo mpianany, ary hoy i Petera; "Tompoko, ny vahoaka betsaka mifanety ka manizina Anao. Fa hoy Jesôsy: Nisy olona nanendry Ahy, fa fantatro fa nisy hery nivoaka avy tamiko." - Lio. 8:45,46.
Rehefa hitan-dravehivavy fa nisy nahalala izay nataony dia nanatona tamin-kovitra izy ary niantoraka teo an-tongotr' i Jesôsy (...). (...) Hoy Jesôsy taminy: "Anaka, ny finoanao no nahasitrana anao; mandehana soa aman-tsara." - and. 48. Nahazoam-balisoa ilay fikasihana tsotran'ny finoana.- L 130, 1898.
Ny finoana izay manosika antsika hanana fifandraisana velona amin'i Kristy no maneho ny safidintsika ambony indrindra sy ny fianteherana tonga lafatra ary ny fanoloran-tena feno. (...) Fankatoavana ny didin'Andriamanitra no enfin' izany finoana izany eo amin'ny fiainan'ny mpanara-dia an'i Kristy, satria ny fitiavana an'Andriamanitra sy ny olona no vokatry ny fifandraisana velona amin'i Kristy. - S1M, b. 1, t. 334.