"Ary noho izany dia lazaiko aminareo hoe: Aza manahy ny amin 'ny ainareo, dia izay hohaninareo na izay hosotroinareo, na ny amin 'ny tenanareo, dia izay hotafianareo. Moa ny aina tsy mihoatra noho ny hanina va, ary ny tena noho ny fitafiana?" - Mat. 6:25
Mofon’aina:
RaIaha manolotra ny tsara indrindra vy aminao ianao, aza manasatra y tenanao sy ny sainao amin'ny fiahiahiana momba izao fiainana izao. Aza simbana amin'ny tebiteby ny fanandramanao ara-pivavahana; matokia fa hiasa ho anao ny Tompo ary hanao izay tsy hainao atao samirery. Mihoatra noho ny hanina ny fiainanao.(…)
Maro ny tebiteby tsy ilaina akory sy ny fahorian-tsaina momba ireo zavatra tsy azo ovana. Tian'ny Tompo ny hametrahan'ny zanany fitokisana tanteraka Aminy. Andriamanitra marina sy mahitsy no tompointsika; tokony hahatsapa ny fahatsarany sy ny fahamarinany eo amin'ireo zavatra lehibe sy madinika eo amin'ny fiainana ny Zanany. Ireo izay mitahiry toe-tsaina feno tebiteby sy fitarainana dia mandà tsy habita ny Tanany mitarika.
Fahadalana ny fiahiahiana tsy mahasoa, ary manakana antsika tsy hijoro tsara eo anatrehan'Andriamanitra izany. Rehefa miditra ao am-po ny Fanahy Masina, dia tsy hisy intsony ny faniriana hitaraina sy himonoMonona noho ny tsy fananantsika izay rehetra irintsika. Tsy hanao izany isika fa hisaotra an'Andriamanitra amin'ny fo tokoa noho ireo fitahiana azontsika. (…)
Misy fitahiana iray mety ho azon'izay rehetra mikatsaka azy araka ny tokony ho izy. Tsy inona izany fa ny Fanahin'Andriamanitra, ary fitahiana izay mitaona ireo fitahiana hafa rehetra izany. Raha toa isika manatona an'Andriamanitra toy ny ankizy madinika, mangataka fahasoavana sy hery ary famonjena, tsy mba hampisandratra antsika, fa mba hitondrantsika fitahiana ho an'ireo manodidina antsika, dia tsy holavina ny fangatahantsika. (...)
Tonga teto an-tany i Kristy ary nanolotra ny ainy mba hahazoantsika famonjena mandrakizay. Iriny raha hanodidina ny tsirairay avy amintsika ny rivo-piainan'ny lanitra, mba hanehoantsika amin' izao tontolo izao ny ohatra izay manome voninahitra ny fivavahan'i Kristy. (...) Ny toe-tsaina izay manjaka any amin'ny lapan'ny lanitra no tokony hanapaka antsika amin' izao fiainana izao. Ary ny voninahitr'i Jehovah no ho valisoan'izay rehetra manompo Azy an-tsitrapo (...). - Ms 15, 1912.