"(...) Fitiavana mandritra ny fotoana tsy voafetra no itiavako anao. Izany no antony nisarihako anao, ka ny hatsaram-panahiko feno fitiavana no nentiko nanintonana anao." — Jer. 31:3 (DIEM).
Vakio ny Mar. 7:24-30. Inona ny lesona manan-danja hita ao amin'io tantara io?
Taorian'ny andalan-teny saro-takarina tao amin'ny lesona omaly, dia miteraka fanontaniana saro-baliana koa ny tantara ao amin'ireto andalan-teny ireto. Nahoana i Jesôsy no nanao valinteny henjana tamin'ilay vehivavy ka niantso azy hoe amboakely mihitsy aza?
Vakio ny Mar. 7:14-19. Inona no tian'i Jesôsy hambara amin'ny ankamantatra nambarany ao amin'ny Mar. 7:15?
Zavatra saro-pantarina ho an'ny ankamaroan'ny olona ny tenin'i Jesôsy ao amin'io andalan-teny io noho ny fieritreretan'izy ireo ny fifandraisan'izany amin'ny fampianarana voalazan'ny Lev. 11 mikasika ny hanina maloto sy madio. Moa ve nofoanan'i Jesôsy ireo fanavahana ny maloto sy ny madio ireo? Moa ve diso ny Advantista Mitandrina ny Andro Fahafito raha mampianatra fa ny Iisitry ny biby madio no tokony hohanin'ny mambran'ny fiangonana izay mihinan-kena?
Vakio ny Mar. 7:1-13. Inona ny fahamarinana manan-danja aseho eto?
Alao sary an-tsaina ny ankizy mianatra momba ity andalan-teny ity ao amin'ny Sekoly Sabata ka milaza amin-dreniny rehefa tonga any an-trano fa tsy voatery hanasa tanana izy mialoha ny hisakafoana satria izany no nambaran'i Jesôsy. Tsy mahakasika ny fahasalamana anefa ity tantara ity.
"Ny seza fiandriananao, Andriamanitra ô, dia mandrakizay doria; tehim-pahamarinana ny tehim-panjakanao." — Sal. 45:6
Mofon’aina: Na dia efa eo anatrehan' Andriamanitra aza i Jesôsy ankehitriny ka miara-mipetraka Aminy eo amin'ny seza fiandrianan'izao rehetra izao, dia tsy niova ny toetrany be famindrampo. Mbola mitsinjo ny fahoriana rehetra manjo ny olombelona ilay fony be fitiavana sy mangoraka ankehitriny. Mbola mitsotra mba hitahy bebe kokoa ny vahoakany eo amin'izao tontolo izao ny tanany izay nofantsihana. (...)
