May 2025

Toa saro-takarina ny momba ny toerana nisy an'i Losifera fahiny, kerôbima manaloka, toerana iray ambony izay manakaiky ny seza fiandrianan'Andriamanitra izany. Azo antoka tokoa fa ho nanampy tamin'ny fanehoana ny voninahitr'Andriamanitra amin'izao rehetra izao ny fisiany, saingy nanomboka nieritreritra momba ny voninahiny manokana izy fa tsy ny an'ilay Mpamorona. Raha ny marimarina kokoa, dia nanomboka nihevitra izy fa tsy nomena ny toerana mendrika azy.

Nanaraka ny fitarihan-dalana nataon'Andriamanitra tamin'ny alalan'ny rahona ireo Isiraelita; niato izy ireo teo amin'ny dia lavitra nataony ho any amin'ilay Tany nampanantenaina; naoriny ny tabernakely, ary rehefa izay dia naoriny nanodidina izany ny lain'izy ireo foko telo isaky ny andaniny avy. Nidina teo amin'ny efitra masina indrindra ny fanatrehan'Andriamanitra ary nonina teo amin'ny vahoakany.

Nisy foko iray napetraka ho lohany teo amin'ireo andaniny efatry ny tabernakely. Iza ireo foko mpitarika ireo, araka ny Nom. 2?

Hita manerana ny Testamenta Taloha ny kerobima, na amin'ny maha-voary velona azy (Ezek. 10:8) na ireo Gen. 27 sary volamena maneho azy ireo (Eks. 25:18). Matetika no anehoana azy ireo mijoro eo anilan'ny seza fiandrianan'Andriamanitra, maneho ny famirapiratan'ny voninahitr Andriamanitra amin'izao rehetra izao. Natao soratry ny ambainy manoloana ny Efitra masina indrindra ny kerôbima (Eks. 26:1).

Raha vantany vao noroahina tao amin'ny saha ireo ray aman-drenintsika voalohany, dia nanome ny fanantenana momba ny Mesia Andriamanitra (Gen. 3:15). Rehefa izay dia nametrahany famantarana lehibe teo amin'ireo vavahadin'i Edena: kerôbima roa niaraka tamin'ny hazavana mamirapiratra teo anelanelan'izy ireo. Tsara ny mahatsiahy fa misy fitoviana betsaka amin'ny fiaran'ny fanekena io sary io, izay maneho ny seza fiandrianan'Andriamanitra (Eks. 25:18).

Vakio ny Gen. 3:21-24. Inona ny asa nampiandraiketina ny kerôbima, ary inona no anton'izany?

Taona vitsivitsy lasa izay no nanapahan'ny fiangonana iray hevitra hanavao ny lakavy efa tranainy mba hanaovana efitrano fiarahana mivavaka. Nametraka jiro vaovao no nataon'izy ireo voalohany satria noheveriny fa hahatonga ilay efitra ho tsara tarehy izany. Raha vao voapetraka anefa ireo jiro, dia vao mainka niseho ny faharatsian'ilay efitrano, satria maneho ny tsy fahatomombanana ny fahazavana mamiratra.

Hodinihina mandritra ny herinandro: Isa. 6:6-8; Gen. 3:21-24; Ezek. 1:4-14; Apôk. 4:1-11; Nom. 2:3-25; Isa. 14:12-14.

Tsianjery:

"Ary nandre ny feon'ny Tompo aho nanao hoe: Iza no hirahiko, ary iza no handeha ho irakay? Dia hoy izaho: Inty aho, iraho aho." - Isa. 6:8