July 2025

Fomba fiaina vaovao ao amin’i Jesôsy.

 " Voahombo miaraka amin’i Kristy amin’ny hazo fijaliana aho, ary tsy izaho intsony no velona, fa Kristy no velona ato anatiko; fa izay ivelomako ankehitriny eo amin’ny nofo dia ivelomako amin’ny finoana ny Zanak’Andriamanitra, Izay efa tia ahy ka nanolotra ny tenany hamonjy ahy. " Gal. 2:20.

Fandraisana antendrony sy fitabatabana, tsy porofon’ny finoana..

" Misaotra an’Andriamanitra aho fa miteny amin’ny fiteny tsy fantatra mihoatra noho hianareo rehetra aho; nefa raha ao am-piangonana, dia aleoko manao teny dimy fantatry ny saiko mba hampianarako ny sasany koa, toy izay hanao teny iray alina amin’ny fiteny tsy fantatra. "1 Kôr. 14:18,19. 

Mofon’aina:
Tsy maintsy esorina hatramin’ny fakany ny fahadisoana, rehefa izay vao vonona handray ny masomboly tsara ny tany ka hampitrebona izany sy hitondra voa ho voninahitr’Andriamanitra.

Lesona 1: FAMPAHORIANA- NY FAHATERAHAN’NY MOSESY - Miova ny drafitra.

MIOVA NY DRAFITRA

Vakio ny Eks. 2:11-25. Inona avy ireo tranga nifanesy faingana Izay nanova tanteraka ny drafi-piainan'i Mosesy? Inona avy ny lesona azontsika ianarana avy amin'lo tantara io?

Inona no hataon'i Mosesy? Hilefitra amin'ny fakam-panahin'i Egypta sy ny fahafinaretan'ny lapa ve izy, sa hiombom-pahoriana amin'ny vahoakany? Tsy ela dia nanery azy handray fanapahan-kevitra ny zava-nitranga.

Lesona 1: FAMPAHORIANA- NY FAHATERAHAN’NY MOSESY - Teraka i Mosesy.

TERAKA I MOSESY

Vakio ny Eks. 2:1-10. Inona no anjara asan'ny fitantanan'Andriamanitra sy ny fiarovany teo amin'ny tantaran'ny nahaterahan'i Mosesy?

Tena mahaliana ny tantara momba ny nahaterahan'i Mosesy sy ny fiainany satria niaina tamin'ny andron'ny tarana-mpanjaka Egyptianina faha-18 malaza izy. I Thutmose III, izay antsoina hoe "Napoléon an'i Egypta", no anisan'ny Farao nalaza indrindra tany Egypta fahiny.