Amin'ny andro farany, dia hiseho amin'ny fomba manaitra ny fifanandrinana lehibe mahakasika ny fiankohofana. Moa ve isika miankohoka amin'ny Mpamorona, sa miankohoka amin'ny bibidia sy ny sariny?
Tsy misy ny eo anelanelan'ireo. Mananatra ny lehilahy sy ny vehivavy ny anjely voalohany ao amin'ny Apôk. 14, manao hoe: "(...) miankohoka eo anoloan'Izay nanao ny lanitra sy ny tany sy ny ranomasina ary ny loharano."- and. 7. Ho fanohanana be kokoa ny antso ataon'ny lanitra, dia asehon'ilay anjely fahatelo ireo vokatra mahatsiravina ateraky ny fiankohofana amin'ny bibidia: "(...) dia izy koa no hisotro ny divain'ny fahatezeran'Andriamanitra, izay naidina tao anatin'ny kapoaky ny fahatezerany tsy miharoharo zavatra"- Ape& 14:10. Etsy ankilan'izany, ireo izay miankohoka amin'ny Mpamorona dia voalaza fa mitandrina "ny didinAndriamanitra sy ny finoana an'i Jesôsy."- Apôk. 14:12. Ny Famoronana no fototry ny fiankohofana marina (Apôk. 4:11). Koa satria Andriamanitra no nanao ny zavatra rehetra tamin'ny alalan'i Jesôsy Kristy (Efes. 3:9, NKJV), dia halan'i Satana ny Mpamorona ka nanao izay hanovana ny Sabata -ilay tsangambaton'ny Famoronana- tamin'ny alalan'ireo fahefana eto an-tany izy (Dan. 7:25). Mifantoka amin'ny fahefana ny fifanandrinana ho avy izay momba ny lalan'Andriamanitra. Raha azon'i Satana atao ny manafoana nyfiankohofana amin'ny andro Sabata dia hanambara izy fa lehibe noho ny fahefana ananan'Andriamanitra ny fahefany. Mba hahatanterahany izany dia ataony izay handresena lahatra na hanerena an'izao tontolo izao manontolo mba hanaiky ny Sabata sandoka. Na dia sarotra aza ny mahita ny fitrangan'izany, araka izay efa nomarihintsika tany aloha, dia misy fiovana lehibe eto amin'izao tontolo izao. Nasehon'ny fotoan-tsarotra nisian'ny COVID-19 antsika fa tao anatin'ny indray mipi-maso dia niova tanteraka izao tontolo izao. Na dia tsy fantatsika aza ireo tsipirian-javatra mitarika ho amin'ny mariky ny bibidia dia tsy sarotra loatra ny maka sary an-tsaina izany. Miovaova izao tontolo izao, ary eo anatrehan'ny teknolojia mahatalanjona izay misy ankehitriny, dia ho haingana mihoatra noho izay azontsika saintsainina amin'izao fotoana izao ny hisehoan'ny zavatra izay nampitandreman'ny Baiboly.
Vakio ny Apôk . 13:13-17. Inona ny famaizana manokana atao amin'ireo izay tsy mandray ny mariky ny bibidia?
Ireo izay mahatoky aminli Kristy ka tsy manaraka ny bibidia sy ny sariny dia hiatrika famaizana ara-ekonomika sy fandrahonana ho faty. Mijanona amin'ny toetrany hatrizay ny taranak'olombelona: ratsy fitondran-tena, tia fahefana fatratra ary mpampiasa herisetra. Na dia tsy fantatsika tsara aza ny fomba hisehoan'ireo toe-javatry ny andro farany dia tsy sarotra ny maka sary an-tsaina ny fanenjehana hiseho any am-parany. Nosoratana tao anatin'ny tontolon-kevitra samy hafa tanteraka amin'izany ireto tenin'i Jaona ireto, kanefa mahalaza azy tanteraka. Raha niresaka momba an'i Jesôsy i Jaona dia nanoratra fa "tsy nitady olona hanambara olona lzy; fa ny tenany nahalala izay tao am-pon'ny olona."- Jao. 2:25. Eritrereto ny taharatsian'ny taranak'olombelona sy ny faharatsiana izay sahin'ny olona atao.
Nahoana izany no maneho fa mora tokoa ny hahatongavan'ireo toe-javatry ny andro farany? Ary ny zava-dehibe kokoa noho izany, Inona no tokony hampianarintizany zava-misy mahonena izany antsika momba ny tokony hitandremantsika ny fontsika?