ILAY TENA JOSOA
Hodinihina mandritra ny herinandro:
1 Kor. 10:1-13; Mat. 2:15; Jos. 1:1-3; Asa. 3:22-26; Heb. 3:7-4:11; 2 Kor. 10:3-5.
ILAY TENA JOSOA
Hodinihina mandritra ny herinandro:
1 Kor. 10:1-13; Mat. 2:15; Jos. 1:1-3; Asa. 3:22-26; Heb. 3:7-4:11; 2 Kor. 10:3-5.
Tsianjery: "Ary izany dia nanjo azy mba ho anatra, sady voasoratra izany ho fananarana antsika izay niharan'ny faran'izao tontolo izao." - 1 Kôr. 10:11.
Tsapa ao amin'ny bokin'i Josoa fa manondro zava-misy lehibe lavitra noho ny tenany ny fiainan'ilay ilay mpandray anjara fototra ao. Hitantsika manerana ny Soratra Masina izany fitsipika izany, toy ny amin'ny tany Kanana, izay tandindon'ny fanantenantsika mandrakizay ny amin'ny tany vaovao. Ary mazava loatra fa manondro zava-misy lehibe lavitra ny fanompoana tao amin'ny fitoerana masina teto an-tany: "Fa Kristy kosa, rehefa tonga ho Mpisoronabe ny amin'ny zavatra tsara ho avy, dia namaky teo amin'ny tebernakely lehibe lavitra sady tsara lavitra, izay tsy nataon-tanana, izany hoe, tsy isan'izao zavatra ary izao." - Heb. 9:11.
Kanefa mipetraka ny fanontaniana: Amin'ny fomba ahoana no anondroan'ny tantaran'i Josoa toe-javatra ho tanteraka any amin'ny hoavy? Ahoana no hahazoantsika antoka fa marina ny fanazavana toy izany ilay boky? Inona ireo fitsipika ara-Baiboly izay mahatonga ny bokin'i Josoa hitaratra ireo zava-misy ao amin'ny TV sy ireo tranga amin'ny andro farany?
Hodinihintsika amin'ity herinandro ity ireo fitsipika natao hahatakarantsika ny hevitr'ireo tandindona ao amin'ny Baiboly. Ho hitantsika fa mirakitra tandindona maro ny Baiboly, ary ny fiainan'i Josoa dia manondro mialoha ny asa fanompoan'ny Mesia sy tandindon'izay efa tanteraka ao amin'ny fiangonana, ary ho tanteraka amin'ny fiafaran'ny tantaran'ny olombelona.