"Toy ny tamin'ny andron'ny apostoly, ireo mpampianatra sandoka dia niezaka handevona ny finoana ny Soratra Masina tamin'ny lovan-tsofina sy ny filozofia, dia toy izany koa ankehitriny, miezaka izy irony mba hialantsika amin'ny Baiboly amin'ny alalan'ny ataony hoe: 'fitsikerana ambony', sy ny fampianarana momba ny evolisiona, ny fiantsoam-panahy, ny fampianarana mihambo ho mandray aingam-panahy avy any an-koatra, ny fampianarana izay milaza fa andriamanitra koa ny zava-boary sy ny olona - izany dia fanoherana ny fahamarinana, atao hahavery ny fanahy. Heverin'ny maro ho toy ny fanilo tsy mila solika ny Baiboly, satria manaraka lalana mitondra ho amin'ny fisavoritahan-tsaina sy ny fahadisoan-kevitra izy ireny. Ny asan'ny Titsikerana ambony,' dia ny mandrava sy mampihevaheva, ary mandevona ny finoana ny maha-tsindrimandrin'Andriamanitra ny Baiboly. Fandrombahana amin'ny tenin'Andriamanitra ny fahefany hitarika sy hanandratra ary hanolo-tsaina ny olombelona ny fanarahana ireny fampianaran-diso ireny.
Ampianarin'ny spiristisma ny olona maro fa ny faniriana no fanoitra rnahery indrindra, ka samy mahazo manao izay tiany hatao nyolona, ary tsy tompon'andraikitra afa-tsy ho an'ny tenany ihany ny tsirairay avy.
Handre fampianarana `manodoka' ny mpianatr'i Kristy, ary ny amin'ireny indrindra no ampitandreman'i Paoly ny mpino tany Kolosia. Tsy maintsy hifanandrina amin'ny mpanao fanazavana sandoka ny Soratra Masina izy, nefa tsy haharesy azy irony. Hataony antso avo kosa ny fahamarinana mandrakizay raketin'ny Tenin'Andriamanitra. Hifantoka eo amin'i Kristy ny masony, ary hizotra eo amin'ny lalana nosoritan'ny Mpamonjy izy, ka handa ny hevitra rehetra mifanipaka amin'ny fampianarany. Ny fahamarinana avy amin'Andriamanitra ihany no hobanjininy sy hosaintsaininy. Ekeny ho feo avy any ambony miteny mivantana aminy ny Baiboly. Amin'izany no handraisany fahendrena avy amin'Andriamanitra." - VM, tt. 413, 414.
FANONTANIANA hifanakalozan-kevitra
1. Inona no hevitr'izao: ao amin'i Kristy no "itoeran'ny fahafenoan'ny fomban'Andriamanitra rehetra" ary koa Izy no "Lohan'ny fanapahana sy ny fahefana rehetra" Kol. 2:9,10? Vakio koa ny Jao. 1:1; Heb. 1:3 ary ny 1 Pet. 3:22.
2. Azo finoana tokoa fa isika rehetra dia efa nandre olona nampiasa ny Kol. 2:14-16 ho tohan-kevitra hoenti-manohitra ny Sabata andro fahafito. lnona koa ny olana hafa, ankoatra izay efa resahin'ny lesona nandritra ity herinandro ity, izay mifandraika amin'ny fampiasana ireo andalan-tSoratra Masina ireo mba hiadian-kevitra fa tsy ilaina intsony ny mitandrina ny didy fahefatra?
3. Ahoana no hataonao manoloana ireo mitompo teny fantatra fa tsy maintsy tandremantsika koa ireo lalana seremoniely? Mety ahazoana fitahiana ara-panahy na ara-pivavahana tokoa ny fitandremana ireny; inona anefa ny olana ateraky ny fiziriziriana ny amin'ny tsy maintsy hitandremana azy?
4. Nosoratan'i Ellen G. White etsy ambony fa tokony horaisintsika ho "feo avy any ambony miteny mivantana" amintsika ny Baiboly. Nahoana isika no tokony hiambina tsara amin'izay rehetra mety handemy ny finoantsika momba ny fahefana ananan'ny Soratra Masina sy ny maha-avy amin'ny tsindrimandrin'Andriamanitra izany (eny fa na ireo andalan-teny mety manohintohina antsika aza)?