"Ny fitiavana no fototry ny toe-panahy araka an'Andriamanitra. Na inona na inona fanekem-pinoana, tsy misy olona manana fitiavana madio anAndriamanitra raha tsy manam-pitiavana tsy ombam-pitiavan-tena ny rahalahiny izy. Nefa tsy ho azontsika na oviana na oviana io toe-tsaina io amin'ny fiezahantsika ho tia ny hafa. Ny ilaina dia ny fitiavan7 Kristy ao am-po. Rehefa levona ao aminy Kristy ny 'izaho', dia miposaka ho azy ny fitiavana." – HF, t. 400, ed. 2004. "ireo izay mazoto indrindra amin'ny fanatontosana amim-pahatokiana ny asa famaboana fanahy ataony ho an'i Jesôsy Kristy, no mandroso indrindra eo amin'ny fiainana ara-panahy sy feno fanoloran-tena indrindra."– Ev, t. 356, .
"Ny asa fanompoana manafika no ahazoana tsara indrindra ny hery hoenti-manohitra ny ratsy." - VM, t. 95.
"Mba hahazoana miditra ao amin'ny fifaliany, — dia ny fifaliana mahita fanahy voavotra noho ny sorona natao, dia tsy maintsy mandray anjara amin'ny asany isika ho fanavotana azy ireo."- IFM, t. 134.
"Izay tsy manaiky hiara-miasa amin'i Kristy amin'ny fanompoana, dia manda ilay any fiofanana ahazoany anjara amin'ny voninahitr'Andriamanitra." - FK, t. 300.
FANONTANIANA hifanakalozan-kevitra
1.Nahoana ny fitiavana no zava-dehibe fototra mba hahombiazan'ny asa fitoriana rehetra na fijoroana ho vavolombelona?
2. Oviana ianao no nahatsapa ny fahamarinan'ity manaraka ity: ny fahazoana
fanahy ho an'ny Tompo dia mifamatotra amin'ny fiarahanao mandeha amim-pahavitrihana amin'Andriamanitra?
3. Moa ve misy fahalalana fototra na fahalalana tsotra ilaina mba hitoriana an' Andriamanitra amin'ny hafa? Raha eny, inona izany?
4. Raha hampianatra Baiboly olona tsy mpino ianao, aiza no hanombohanao? Inona no tanjonao voalohany: ny hanazava ireo foto-pinoana sasany sa ny hanasa flay olona hahafantatra an'i Jesôsy ?
5. Hirao na henoy ny tonon'ilay hira hoe "Lazao ‘lay tantaran'ny vonjy"(ao amin'ny fihirana advantista, laharana faha-368), ary saintsaino ny fomba anambaranao izany.