Vakio ny Jao 6:14,15,26-36. Nanao ahoana ny fihetsiky ny olona manoloana ny fahagagana nataony, ary ahoana no nampiasan'i Jesôsy izany mba hampianarany azy ireo mikasika ny maha-lzy Azy?
Nanantena mesia eto an-tany, izay hanafaka azy ireo amin'ny fampahorian'ny fanjakana rômanina, ny mponin'ny Jodia. Ireto roa ireto no mampanano sarotra indrindra mandritra ny ady: ny famahanana ny vahoaka, ary ny fikarakarana ny marary sy ny maty. Nasehon'i Jesôsy tamin'ireo fahagagana nataony fa hainy atao ireo roa ireo.
Kanefa tsy izany no nahatongavany, ary tsy izany no tanjon'ny fahagagana nataony. Ny namahanana ireo olona dimy arivo dia nahafahan'i Jesôsy naneho kosa fa Izy no mofon'aina, ary Andriamanitra mihitsy no nidina avy any an-danitra. "Izaho no mofon'aina"hoy Izy, "izay manatona Ahy tsy mba ho noana"- Jao. 6:36.
lo no voalohany amin'ireo "Izaho no (...)" miisa fito ao amin'ny filazantsaran'i Jaona ("mofon'aina" Jao. 6:35; "fahazavan'izao tontolo izao" Jao. 8:12; "varavarana" Jao. 10:7,9; "mpiandry tsara" Jao. 10:11,14; "fananganana ny maty sy fiainana" Jao. 11:25; "Ialana sy fahamarinana ary fiainana" Jao. 14:6; "tena voaloboka" Jao. 15:1,5). Samy manondro fahamarinana lehibe momba an'i Jesôsy ny tsirairay avy amin'ireo. Mampahatsiaro izay voalaza ao amin'ny Eks. 3 ny hoe "Izaho no (...)", izay nanehoan'Andriamanitra ny Tenany tamin'i Mosesy ho Ilay "IZAHO IZAY IZY" lehibe (ampitahao amin'ny Jao. 8:58). I Jesôsy no "IZAHO IZAY IZY" lehibe.
Tsy takatry ny vahoaka anefa izany rehetra izany.
"Tsy afa-po izy, ka velom-panontaniana hoe: Raha afaka nanao asa betsaka mahagaga tahaka izay efa natrehiny maso Jesôsy, nahoana Izy no tsy ho afaka hanome fahasalamana, hery sy harena ho an'ny olona rehetra, hanafaka azy amin'ny mpampahory azy ka hanandratra azy ho amin'ny fahefana sy ny voninahitra? Kristy milaza fa Izy llay nirahin'Andriamanitra, nefa manda ny ho Mpanjakan'Isiraely, dia zava-miafina tsy hainy takarina izany. Diso ny fandraisana io fandavany io. Betsaka no nihevitra fa tsy sahy manamafy ny fitakiany Izy satria Izy tenany aza misalasala ny maha-avy amin'Andriamanitra ny asa nanirahana Azy. Tamin'izany no nanokafany ny fony ho amin'ny tsy finoana, ka nampitsimoka tao aminy ny voa izay efa nafafin'i Satana, dia ny fandraisana diso ny teny sy ny fihemorana." - IFM, tt. 306,307 (ed. 2023).
Tombon-tsoa ara-nofo no nokatsahiny fa tsy fahamarinana maharitra hatramin'ny fiainana mandrakizay. Fandrika mety hahazo antsika rehetra izany raha tsy mitandrina isika.
Ahoana no tsy haharevo antsika loatra amin'ny zavatry ny tany ka hanadinoantsika ny zava-panahy?