NY FANOMEZAM-PAHASOAVAN'NY FAMINANIANA
Lohahevitra resahin'i Paoly mikasika ny fanomezam-pahasoavana. Mahaliana fa Ny fanomezam-pahasoavan'ny faminaniana dia manana toerana lehibe ao amin'ny tononina matetika eo alohan'ny fanomezam-pahasoavan'ny fitenenana amin'ny fiteny samihafa ny fanomezam-pahasoavan'ny faminaniana (1 Kor. 12:10, 28; 1 Kor. 13:8). Rehefa ny fanomezam-pahasoavan'ny fiteny tsy fantatra no mandeha mialoha, dia ho fanamafisana fotsiny izany fa ny lanjany dia latsaka kokoa raha oharina amin'ny fanomezam-pahasoavan'ny faminaniana (1 Kor. 14:4, 5, 6, 22).
Vakio ny Efes. 4:11-13 sy ny 1 Kor. 14:3, 4. Inona no ambaran'ireo toko sy andininy ireo momba ny tanjon'ny fanomezam-pahasoavana ankapobeny sy ny tanjona manokana isian'ny fanomezam-pahasoavan'ny faminaniana?
Nataohampiorenana sy hampirisihana ary hitondrana fampiononana ny fanomezam-pahasoavan'ny faminaniana (1 Kor. 14:3; ampitahao amin'ny Asa. 15:32). Toa milaza izany fa ny faminaniana dia tsy fampahafantarana ny hoavy loatra fa mahakasika kokoa ny fomba tokony hiainana ny ankehitriny. Ny matoanteny grika propheteuō dia mety hidika hoe "milaza zavatra mialoha" na "milaza zavatra amin'ny anaran'ny olona iray." lo heviny voalohany io, ohatra, dia hita ao amin'ny Asa 2:29-31 (ampitahao amin'ny Amô. 3:7), izay anazavana ny fiantsoana an'i Davida ho mpaminany amin'ny heviny hoe "mahita mialoha." Ny heviny faharoa kosa dia hita ao amin'ny Asa. 15:32, izay anondroana an'i Joda sy i Silasy ho mpaminany. Ny "faminanian’izy ireo indray dia ny fampirisihany sy ny fampaherezany "ny rahalahy tamin'ny teny maro."
lanarantsika ao amin'ny Efes. 4:11-13 fa tsy nifarana teo amin'ny vanim-potoana niainan'ireo apostoly ny fanomezam-pahasoavana. Tokony hisy mandra-pahatongan'ny farany izany (Asa 2:39). Eo anatrehan'izany anefa, raha misy olona mitonona ho mpaminany, dia tsy maintsy tombanana araka ny Soratra Masina izy. Fitsipika efatra ankapobeny no tokony harahiny.
Voalohany, tanteraka ny faminaniana ambarany (Deo. 18:22; Jer. 28:8, 9).
Faharoa, mifanaraka amin'ny fanambaran'ireo mpaminany talohany ny hafatra entiny (Deo. 13:1-3; Isa. 8:20).
Fahatelo, hita taratra eo amin'ny fiainany andavanandro ny fanolorany tena ho an'i Kristy (1 Jao. 4:1-3).
Fahefatra, nambaran'i Jesôsy fa ny voany no hahafantarana ny mpaminany sandoka (Mat. 7:15-20). Tahaka izany koa ho an'ny mpaminany marina.
Voalazan'ny bokin'ny Apôkalypsy fa toetra manokana mampiavaka ny fiangonana sisa ny fanomezam-pahasoavan'ny faminaniana (Apôk. 12:17; Apôk. 19:10). Amin'ny maha Advantista Mitandrina ny Andro Fahafito antsika dia mino isika fa nomen'Andriamanitra an'i Ellen G. White io fanomezam-pahasoavana io ary hita taratra ao amin'ny asasorany izany.
Inona avy ireo antony rehetra ahafahantsika mino fa manana ny fanomezam-pahasoavan'ny faminaniana i Ellen G. White? Inona kosa ireo fisalasalana mbola mipetraka mahakasika ny anjara asany sy ny fahefana ananany?