SABATA HARIVA
Hodinihana mandritra ny herinandro: Jao. 8:54-58; Gen. 12:3; Ram. 4:1-5; Jao. 12:1-8; Jao. 19:4-22; Jao. 20:19-31; Dan. 2; Dan. 7.
Tsianjery: "Hoy Jesôsy taminy: satria nahita Ahy hianao, dia nino; sambatra kosa izay tsy nahita, nefa nino." - Jao. 20:29
Olona isan-karazany no hita manerana ny filazantsaran'i Jaona, olona samy manana ny fiaviany sy ny finoany ary ny fanandramany - izay mijoro ho vavolombelona ny amin'i Jesôsy .
"Indro ny Zanak’ondrin'Andriamanitra- Jao. 1:36. "Efa nahita ny Mesia izahay' - Jao. 1:41. "Efa hitanay Ilay nosoratan'i Mosesy" - Jao. 1:45. "Raby ô , Hianao no Zanak'Andriamanitra; Hianao no Mpanjakan'ny Isiraely." - Jao. 1:49. "lzao angaha no Kristy?" - Jao. 4:29. "Ny tenanay no mandre, ka fantatray fa Izy tokoa no Mpamonjy izao tontolo izao." - Jao. 4:42. "Tompo ô, hankany amin'iza moa izahay? Hianao no manana ny tenin'ny fiainana mandrakizay." - Jao. 6:68. "(...) mino aho fa Hianao no Kristy, Zanak'Andriamanitra, Ilay ho tonga amin'izao tontolo izao." - Jao. 11:27. "(...) jamba aho teo aloha, fa mahiratra aho izao." -Jao. 9:25. indro ny Mpanjakanareo - Jao. 19:14. "(...) izaho tsy mahita izay helony' - Jao. 19:6. "Tompoko sy Andriamanitro - Jao. 20:28.
Iza ny sasany tamin'ireo olona ireo, ary inona no antony nijoroany ho vavolombelona momba an'i Jesôsy tahaka izay nataony?