NY DRAFITR'ANDRIAMANITRA TANY AM-BOALOHANY
Vakio ny Eks. 23:20-33. Inona ny fomba fiasa tian'Andriamanitra nampiasaina mba hahazoan'izy ireo ny Tany Nampanantenaina?
Tsy fikasan'Andriamanitra ny hiadian'ny Isiraelita mba hahazoany ny taniny vaovao; fa natao homena azy ireo izany. Nampanantenaina an'i Abrahama sy i Isaka ary i Jakoba izany ary, tokony ho noraisina ho fanomezana manokana avy amin'Andriamanitra ho an'ny Isiraely.
Naseho ho modely ny fomba niampitana ny Ranomasina Mena hanehoana ny formba hahazoana ny Tany Nampanantenaina. Andriamanitra no niady ho an'ny vahoakany ary nanome azy ireo ny fandresena tanteraka nanoloana ireo izay nikasa hamono azy (Eks. 14:13,14). Resy ny Egyptianina satria niditra an-tsehatra tamin'ny fomba mahagaga ny Tompo. Toy izany koa tamin'ny andron'i Sankeriba, mpanjaka Asyrianina, resin Andriamanitra ny tafika Asyrianina, izay lehibe, mirongo fitaovam-piadiana, ary tsara ofana, kanefa tsy nila niady akory ny Isiraelita. Nanome fandresena Andriamanitra satria nino ny tenin'Andriamanitra nomena azy tamin'ny alalan'i Isaia mpaminany ny mpanjaka Hezekia (2 Mpanj. 19:35, Isa. 37:36).
Nampahafantarin'Andriamanitra an'i Abrahama fa tsy homena ny taranany avy hatrany ny Tany Nampanantenaina, raha tsy aorian'ny 400 taona (Gen. 15:13-16). Nahoana? Nisy ifandraisany tamin'ny faharatsian'ny mponina tao Kanana ny antony. Niasa sy namindra fo tamin'ireo olona ireo Andriamanitra, ary nanome azy ireo fotoam-pahasoavana hibebahana. Saingy nanohy ny fikomiany tamin'Andriamanitra sy ny fitsipiny izy ireo, ary nony tonga tamin'ny fetrany ny helok'ireo firenena ireo, dia vonona Andriamanitra hanome ny taniny ho an'ny Hebreo.
Ankoatra izany dia nampanantena Andriamanitra fa horoahiny eo anoloan'ny Isiraely ireo firenena ireo, amin'ny fomba roa tsy mahazatra nefa tena mahomby: (1) hampifanaritaka ireo firenena ratsy fanahy Jehovah, ary (2) hampandeha fanenitra izay handroaka ny olona. Mialoha ny hahatongavan'ny Isiraelita ao amin'ny taniny vaovao, dia ho efa nandao ny toerana ny fahavalony, satria hampiamboho azy rehetra ny Isiraely i Jehovah, ka handroaka azy ireo (Eks. 23:27,28).
Nanana anjara lehibe tamin'ny fahazoana ny Tany Nampanantenaina Ilay Anjelin Andriamanitra. I Kristy io Iraka io, Izay nitarika ny Isiraely, nandresy tany maro, ary niaro azy ireo. Izy no andry rahona nitarika azy ireo nony andro ary andry afo kosa nony alina. Tsy maintsy nitandrina tsara ny Isiraely, ary tsy maintsy nihaino Azy satria nanana ny fahefan'Andriamanitra Izy (Eks. 23:21). Hampananosarotra ny fandrosoan'izy ireo ny fanoherana ny sitrapon'Andriamanitra sy ny fisalasalana ny amin'ny fitarihany.
Nomen'Andriamanitra taona maro treo mpanompo sampy ireo, dia fotoana lava azony nohararaotina mba hialana amin'ny fomba ratsiny. Inona no ampianarin'izany antsika momba ny fahasoavan'Andriamanitra, ary koa momba ny fetran'io fahasoavana io ho an'lreo izay tsy meły mandray izany?