VALIFATY
"Ry malala, aza mamaly ratsy, fa omeo lalana ny fahatezerana; fa voasoratra hoe: Ahy ny famaliana; Izaho no hamaly, hoy Jehovah." - Rôm. 12:19 (jereo koa ny Deo. 32:35).
Inona no teny fikasana sy baiko hita ao amin'ireo andininy ireo, ary ahoana no mahatonga azy ireo hifandray ety?
Mandra-pitondran'ny Tompo ny rariny, izay tsy mbola misy ankehitriny, dia adidin'ny mpitsara tany Isiraely fahiny ny nampihatra ny lalana sy ny namaritra ny sazy ara-drariny mifanaraka amin'ny fahavoazana na ratra nitranga. Saingy nilain'izy ireo aloha ny niaiky ny zava-nisy. Ny olana tamin'ny andron'i Kristy dia izao: nanome vahana ny valifaty ny fomba nampiharan'ireo mpampiana-dalana io lalana io. Nesorin'izy 'izy ireo tsy ho ao amin'ny tontolon-keviny ilay fitsipika, ary very ny tanjona voalohany. Vokatr'izany, nanjary izay voararan'ny lalåna indray no tena narovan'izy ireo.
Vakio ny Mat. 6:4,6; Mat. 16:27; Lio. 6:23; ary ny 2 Tim. 4:8. Inona no lazain'ireo andininy ireo amintsika momba ny fomba fijerin'i Jesôsy ireo fitsipika momba ny valisoa sy ny famalzana?
Tsy nanohitra ny fitsipiky ny valisoa sy ny famaizana i Jesôsy . Ny rariny dia mifandraika amin'ny fanarahana fitsipika; ampahany manan-danja amin'ny fiainana izany. Kanefa tsy misy olona tokony haka ny toeran'ny mpitsara na ny "mpamono olona", araka ny fiheverany ny rariny. Mora amintsika tokoa ny mamadika ny rariny! Tsy anjarantsika ny mamaly ny ratsy. Raha misy ratsy tokony hovaliana, dia tsy maintsy atao amin'ny alalan'ny fitsarana tsy miangatra izany; izany no asan'ny mpitsara.
Izao no lazain'i Jesôsy amintsika ao anatin'izany tontolon-kevitra izany: "Aoka ho tanteraka hianareo toy ny fahatanterahan'ny Rainareo Izay any an-danitra." Ahoana no hahatonga antsika ho tanteraka toa an'Andriamanitra mihitsy? Ny fitiavana feno fiheverana ny hafa, tsy misy fitiavan-tena, no toetra tena mampiavaka an'Andriamanitra. Ampianariny ny mpianany ny fomba itiavana ny fahavalony sy ivavahana ho an'ireo izay manenjika azy. Ny fahatanterahana marina dia fitiavana, famelana heloka, ary famindrampo (Lio. 6:36), na dia ho an'ireo izay tsy mendrika izany aza. lo fitsipika io, sy ny asa amam-pihetsika vokatr'izany, no atao hoe maneho taratra ny toetran'Andriamanitra.
Amin'ny fomba ahoana avy no mety hahaizantsika mitia ny hafa, isan'andro, araka ny baiko nomena antsika? Nahoana no mitaky fahafatesan'ny "izaho" mandrakariva izany?