Vakio ny amin'ny fakam-panahy nahazo an'i Samsona ao amin'ny Mpits. 14 sy ny Mpits. 16:1,4,16,17. Na dia nantsoina ho amin'ny tanjona iray manokana aza i Samsona, dia tsy nanohitra ny fakam-panahy izy raha nanompo an'Andriamanitra. Inona no lesona azontsika tsoahina avy amin'ny fiafaran'ny fiainany?
Tena zava-misy tokoa ny fifanandrinan'ny tsara sy ny ratsy, ary isika rehetra no voakasik'izany. Ny ady izay nanomboka tany an-danitra dia mitohy sy miseho eo amin'ny fiainantsika tsirairay koa.
Fantatr'i Satana fa tsy maintsy mampiasa ny heriny rehetra izy amin'izao fotoana iainantsika izao, mialoha indrindra ny fiverenan'i Jesôsy , mba hanakanana antsika tsy hanana fifandraisana ety amin'Andriamanitra. Angamba ianao efa variana tamin-javatra iray izay tsy tena ratsy akory raha jerena, saingy nandany betsaka ny fotoanao sy ny herinao ka zara raha nisy sisa tavela ho an'Andriamanitra izany. Mety ho asa izany. na tambajotran-tserasera, na fiantsenana, na fanatanjahantena na koa hanina. Raha mandini-tena tsara isika dia hahita fa ny fividianana na fampiasan-javatra tafahoatra sy ny tsy fifandanjana eo amin'ireo zavatra ireo dia mampihena be ny fotoana atokantsika ho an'Andriamanitra sy ho an'ny hafa. Fantatr'ilay fahavalo ny tsirairay avy amin'ireo fahalementsika sy ny karazan-javatra mety hahavariana antsika sy hanakana antsika tsy hanana fotoana hiarahana amin'Andriamanitra. Tokony hotsaroantsika ny hitady an'Andriamanitra aloha (Mat. 6:33) alohan'ny hihazakazahantsika hiatrika ny tontolo andro sy izay mety hiseho mandritra izany.
Takatr'i Jesôsy ny toerana misy antsika, nefa mananatra antsika izy noho ny tsy firaihantsika (Apôk. 3:14-22). Na dia Andriamanitra aza izy, dia efa olombelona koa ka nahatsiaro ho vizana, tahaka antsika ihany (Jao. 4:6). Nahafantatra ireo tsindry ntipahazo ny oiona eo amin'ny fiainana izy, tahaka antsika ihany, ka matetika no nisintaka mba hivavaka tamin-dRainy hahamaivana izany (Lio. 5:16; Lio. 6:12; Mar. 1:35; Mat. 14:23). Fantany fa ny fotoana iresahany amin-dRainy no zavatra tsara indrindra azony atao mba hahazoana hery indray hanoherana ny fakam-panahy. izany koa no fomba tsara sy azo antoka indrindra ho antsika.
Lavo i Samsona noho ny fiheverany ny tenany ho mahery. Niantehitra tamin'ny herin'ny tenany izy mba handreseny ny fakam-panahy. Isan'andro, ny tsirairay avy amintsika dia miatrika tolona ifanaovana amin'ny fahotana raha miezaka mamely ny fifandraisantsika amin'Andriamanitra ny fahavalo mba hampalemy sy hanimbana izany. Fantany ny fahalementsika ary mikendry izany indrindra izy mba hanimbana ny fifandraisantsika amin'Andriamanitra sy hampidirana ny fahatsiarovan-tena ho meioka ao anatintsika ary koa hahatonga antsika hahatsiaro ho tsy mendrika. (zany rehetra izany anefa dia mitarika antsika hanalavitra an'Andriamanitra. Ny devoly dia miasa mafy mba hanembantsembanana ny eritreritsika sy ny fikasantsika ary ny asantsika, hahazoany mifehy sy mangeja ny lafiny sasany amin'ny fiainantsika. Tsarovy anefa: ny finoantstika no hanampy antsika hijoro, ary ny finoana dia avy amin'ny fandrenesana ny Tenin'Andriamanitra.
lnona ny tolona atrehinao izao? Ahoana no ahafahan'ny Tenin'Andriamanitra rnanampy anao amin'izany?