Vakio ny Sal. 2; Sal. 110:1-3; Sal. 89:4, 13-17; ary ny Sal. 110:1, 2, 5, 6. Inona no ampianarin'ireo andalan-teny ireo antsika momba an'i Kristy amin'ny maha-Mpanjaka Azy?
Ny fanehoana an'Andriamanitra amin'ny maha-Rain'ny Mesia Azy dia manondro ny fanolorana satroboninahitra ny mpanjaka rehefa noraisina ho ao amin'ny faneken'Andriamanitra izy (Sal. 2:7; Sal. 89:26-28). Hitan'ny Sal. 2:7 mialoha ny fitsanganan'i Kristy amin'ny maty sy ny fanandratana Azy, izay fiantombohan'ny fanekena vaovao mandrakizay sy ny fanjakam-pisoronan'i Kristy (Asa. 13:33-39; Heb. 1:5; Heb. 5:5). Mipetraka eo an-tanana ankavanan'Andriamanitra ny Mesia, tsy mbola nisy nanana voninahitra sy fahefana tahaka izany (Sal. 110:1; Asa. 7:55, 56). "Hofanampin'izany, ny fifandraisana eo amin'Andriamanitra sy llay 'voahosotra (Mesia) dia toa maneho ny fikasana hilaza fa ny Tompo mihitsy ío Mesia taranak'i Davida io. (...) Raha ny Tompo llay mipetraka eo ankavanan'Andriamanitra, dia Izy izany no Mesia, satria ity farany ihany koa no hita fa eo ankavanana [jereo ny Sal. 110:1,5]"- Jacques Doukhan, On the Way to Emmaus (Clarksville, MD: Lederer Books, 2012), tt. 26, 27.
Handresy tanteraka ireo fahavalony i Kristy amin'ny farany. Ny fanaovana ny fahavalo ho "fitoeran-tongotra" dia sary iray maneho ny fomba fanaon'ny mpanjaka tany Proche-Orient izay mametraka ny tongony eo amin'ny hatoky ny fahavalo izay resiny mba hanehoana ny fifehezany sy ny fanapahany azy tanteraka. Tsy fitaovana fampihorohoroana anefa ny tehina fanapahan'i Kristy (Sal. 2:9; Sal. 110:2).
Ny tehina dia nohazonin'ireo mpitarika ao anatin'ny foko ho famantarana ny foko misy azy (Nom. 17:2-10). Avy any Ziona ny tehin'í Kristy satria maneho ireo vahoakan'i Ziona Izy. Tandindon'ny fitsaran'Andriamanitra ny tehiny, fitsarana izay mamarana ny fanapahan'ny faharatsiana sy manondro ny fiandrianan'i Kristy tsy misy toa azy (Apôk. 2:27; Apôk. 12:5). Na ny mpanjaka ratsy fanahy aza dia omena fahafahana mibebaka sy milefitra amin'ny Mesia (Sal. 2:10-12).
Hita ao amin'ny toe-javatra mialoha ny fiavian'i Jesôsy fanindroany ao amin'ny Dan. 7 ny sary iray maneho ny fandresena faratampon'i Kristy, izay ahitana fa rehefa atao hanomezana "rariny ny olo-masin'ny Avo Indrindra" ny fitsarana (Dan. 7:22), dia aorina ny Fanjakany ary "ny fanjakany dia fanjakana mandrakizay" Dan. 7:27. Azo antoka ný teny fikasana ny amin'io fanjakana io noho ny amin'ny hazo fijaliana.
Misy fitahiana ampanantenaina ho an'ireo rehetra mitoky amin'ny Mpanjaka, ary ho an'ny olona izay miravoravo amin'ny fanapahan'ny Mesia sy ny fiandrianany feno fahamarinana (Sal. 2:12; Sal. 89:15-17).
Endrey, mahafinaritra tokoa ny mahalala fa handresy ny ratsy ny tsara amin'ny farany, hampifoerina ny rariny ary hofoanana mandrakizay ny fahoriana sy ny alahelo. Ahoana no tokony hampaherezan'izany fahamarinana izany antsika amin'izao fotoana izay toa mampiroborobo ny faharatsiana izao, araka ny fijerin'olombelona?