Vakio ny Mar. 4:26-29. Inona no ifantohan'io fanoharana io indrindra?
Ahitana tantara mitovy amin'ny ao amin'ny Matio na Lioka na ireo roa ireo n ankamaroan'ny filazantsaran'i Marka, saingy tsy toy izany ho an'ity fanoharana iray ity. Ao amin'ny filazantsaran'i Marka irery no ahitana io fanoharana foh mifantoka amin'ny dingan'ny fitomboana io. Ambaran'i Jesôsy fa toy izany n fanjakan'Andriamanitra. Manana ny anjara asa tandrify azy ny olombelon saingy ny tena fitomboana dia asan'Andriamanitra. Tsy dingana tsy manam piafarana tsy akory izany fa mifarana amin'ny fahavokaran'ny voa ilay tantara Tahaka izany koa, ny fiverenan'i Kristy fanindroany fanind no hamarana ny tantaran'ity tanintsika ity.
Vakio ny Mar. 4:30-32. Inona ny zavatra asongadina manokana ar amin'ny fanoharana mikasika ny voantsinapy?
Asongadin'io fanoharana io ny fitomboan'ny zava-madinika iray ho tonga lehibe sy mahatalanjona. 1 hatramin'ny 2 milimetatra eo ny savaivon'n voantsinapy iray. Azo heverina fa ny karazan-java-maniry resahina eto dia n voantsinapy mainty (Brassica nigra) izay manana voa madinika dia madinika (voa mihoatra ny 700 isa vao ampy 1 grama). Na dia tsy ny voantsinapy aza no voa madinika indrindra eto an-tany, dia madinika ihany izany, indrindra raha oharina amin'ny hazo maniry avy aminy izay manana haavo hatramin'ny 3 metatra. Nambaran'i Jesôsy fa na ny vorona aza dia manao ny akaniny ec amin'ny rantsan'izany hazo izany. Mifandraika amin'izay voalaza ao amin'ny Sal 104:12 sy ny Dan. 4:10-12 ity farany ity. Miresaka momba ny herin'Andriamanitra nentiny namorona an'izao tontolo izao ny Sal. 104, ary ny Dan. 4 kosa maneho an'i Nebôkadnezara tahaka ny hazo lehibe izay nialokalofan'izao rehetra izao sy nanome hanina ho azy ireo.
Izao no hevitra tian'i Jesôsy hambara: ny fanjakan'Andriamanitra izay niandoha tamin'ny kely indrindra dia hihalehibe ary hahatalanjona ny olona Azo heverina fa nanao tsinontsinona an'ilay mpitory teny mpifindrafindra sy feno vovoka avy any Galilia niaraka tamin'ireo mpianany ny olona tamin'ny andron Jesôsy, kanefa nasehon'ny fotoana fa mihamiitatra manerana an'izao tontolo izao ny Fanjakan'ny fahasoavany.
"Ary hotorina amin'izao tontolo izao ity filazantsaran'ny fanjakana ity ho vavolombelona amin'ny firenena rehetra, dia vao ho tonga ny farany." - Mat. 24:14. Eritrereto hoe toy ny ahoana ny "fiangonana" fony nilaza io fanambarana mialoha ny hoavy io i Jesôsy. Nahoana izany no fanambarana manamafy ny finoana (ho antsika)?