"Lazaiko aminareo fa hisy fifaliana toy izany any an-danitra ny amin'ny mpanota iray izay mibebaka noho ny amin'ny olona marina sivy amby sivi-foio, izay tsy misy tokony hibebahany. " - Lio. 15:7.
Mofon’aina:
Ny mpitandrina dia tokony ho mpiandry ondry. Antsoina hoe Lohan'ny Mpiandry Ilay Mpanavotra antsika. (...) Na amin'ny toerana ambany isika na amin'ny toerana ambony, na eo amin'ny aloky ny toe-java-tsarotra na eo amin'ny tara-pahazavan'ny fiadanana, dia ondriny, andian'ondry tandremany, ary eo ambany fiahian' ilay Lohan'ny mpiandry.
Ny Lohan'ny mpiandry dia manana mpiandry tarihiny, izay hamindrany fahefana hiahy ny ondriny sy ny zanak'ondriny. Tsy misy very izay eo ambany fiahian'llay Mpiandry lehibe, ary Izy dia tsy manilikilika na dia izay malemy indrindra amin'ny andian'ondriny aza. Ny fanoharana mahafinaritra momba ny ondry very izay nataon'i Kristy, mitantara ilay mpiandry nandao ny sivy amby sivifolo ka nitady ilay very, dia sary maneho ny fikarakarana ataon'ilay Mpiandry lehibe. (...)
Mamerimberina manisa ireo andian' ondriny izy, ary rehefa azony antoka fa very ny ondry iray, dia tsy mitaredretra izy. Ilaozany ireo sivy amby sivifolo ao am-bala. Ary na dia maizina sÿ feno tafio-drivotra aza ny alina, na dia mikisilasila sy mampidi-doza aza ny lalana, (...) dia tsy kivy izy na sasatra, fa mitady mandra-pahitana ilay very.
(...) Rehefa hita kosa ilay ondry (...) rahonany sy kapohiny ve, na sintoniny hankeo aminy mba hitanisany ny fahoriana sy ny horohoro ary ny tebiteby nanjo azy teo am-pitadiavana azy? Tsia, fa ataony eo an-tsorony ilay ondry efa ana sy reraka nirenireny, ka amim-pifaliana sy amim-pankasitrahana no hamerenany azy ao am-bala satria tsy very maina ny fikarohana nataony. (...)
Rehefa hita ilay very dia miombom-pifaliana sy haravoana ny lanitra sy ny tany manontolo. (...) Hoy i Jesosy: "Izaho no Mpiandry Tsara; aryfantatro ny Ahy, sady fantany Aho. "- Jao. 10:14. Tahaka ny ahalalan'ny mpiandry ety an-tany ny ondriny no ahalalan'ilay Lohan'ny mpiandry ny andian'ondriny izay manerana an'izao tontolo izao. — RH, 23 Aogôsitra 1892.