"Fa izao zavatra izao no nataon'ny tanako. Ka dia ary izao rehetra izao, hoy Jehovah; nefa izao no olona hotsinjoviko, dia izay malahelo sy torotoro fanahy sady mangovitra noho ny teniko. "- Isa. 66:2.
Mofon’aina:
Asehon' Andriamanitra an-tsika ao amin'ny Teniny ny fomba tokana tokony hanatanterahana izao asa izao. Tokony hanao asa amin'ny fo sy feno fahatokiana isika, hiasa mafy ho an'ireo fanahy maro tahaka izay tsy maintsy hampamoahina. "Mibebaha," izany no hafatra nanakoako nentin'i Jaona tany an' efitra.
Izao no hafatr'i Kristy ho an'ny vahoaka: "raha tsy mibebaka hianareo, dia ho ringana."-Lio. 13:5. Ireo Apostoly dia nomena baiko mba hitory any amin'ny toerana rehetra mba hahatonga ny mpanota hibebaka. Ny Tompo dia maniraka ny mpanompony ankehitriny mba hitory ireo fampianaran'ny filazantsara hatrizay: ny alahelo noho ny fahotana sy ny fibebahana ary ny fiaiken-keloka. (...)
(...) Horaisin' i Kristy ny fanahy izay manatona Azy amim-pibebahana marina tokoa. Ny fo torotoro sy mangorakoraka dia tsy mba hataony tsinontsinona.
Re eny amin'ny laharana rehetra ny hiakiakan'ady. Aoka ny miaramilan'ny hazo fijaliana handroso, tsy amin'ny fitokisan-tena anefa fa amin'ny fahalemem-panahy sy ny fileferan'ny fo. Ny asanao, ny asako dia tsy hiato mandritra ity fiainana ity. Fotoana fohy ihany no hialana sasatra ao am-pasana, fa rehefa tonga ny antso dia hataontsika indray ny asantsika any amin'ny fanjakan ' Andriamanitra mba hampandrosoana ny voninahitr' i Kristy. Ety an-tany dia efa tokony hatomboka izany asa masina izany. Tsy izay mahafinaritra antsika sy tiantsika no tokony himasoantsika.. Izao ny fanontaniana tokony hapetratsika: inona no azoko atao hitondrana ny hafa hankeo amin'i Kristy? Ahoana no ataoko mba hampahafantarana ilay fitiavan'Andriamanitra izay mihoatra ny fahalalana rehetra? ST, 27 Desambra 1899.