"Fa toy izao no nitiavan 'Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay." - Jao. 3:16.
Mofon’aina:
Ahoana no hahatakarantsika ny momba an'Andriamanitra? Ary ahoana no hahalalan-tsika ny Ray? Anarana feno fitiavana no asaina iantsoantsika Azy: Ray. Ahoana anefa no hahalalantsika Azy sy ny herin'ny fitiavany? Amin' ny alalan' ny fandinihana amim-pahazotoana ny Soratra Masina. Tsy hahay hitia an' Andriamanitra isikarahatsy mandray ao am-pontsika ny drafitra lehiben'ny fanavotana. Irintsika ny hahafantatra ny zava-drehetra momba ireo olan'ny fanahy sy ny fanavotana ilay taranaka lavo. Mahatalanjona tokoa fa rehefa avy nandika ny lalàn'Andriamanitra ny olona ary tafasaraka Taminy (...) dia nisy planina natao mba tsy hahavery ny olombelona fa mba hahafahany kosa mahazo ny fiainana mandrakizay. (...) Nomen'Andriamanitra ny Zanany Lahitokana mba ho faty ho antsika. (...)
Teto amin' ity tontolo bitika toy ny atoma ity no nanehoana ny toe-javatra lehibe indrindra mety ho fantatry ny zanak'olombelona. Ny tontolon'ny lanitra manontolo no nijery tamim-pahalianana fatratra. Nahoana? Satria teto no nisehoan' ilay ady lehibe teo amin'ny herin'ny maizina sy ilay Andrian'ny mazava. Ny asan'i Satana dia ny hanandratra hatrany ny heriny (...) Sary diso mandrakariva no nasehony momba an'Andriamanitra. Nasehony ho toy ny Andriamanitra manao ny tsy rariny Izy fa tsy Andriamanitry ny famindrampo. (...)
Ahoana àry no hampahafantarana an'Andriamanitra araka izay tena toetrany tokoa amin' izao tontolo izao? Ahoana no hanehoana fa Izy dia Andriamanitra fitiavana, be indrafo, ary malemy fanahy sy miantra? Fomba ahoana no hahalalan'izao tontolo izao izany? Naniraka ny Zanany Andriamanitra, Izy no nasaina nampiseho ny toetran'Andriamanitra taininsizao tontolo izao. (...)
Aoka ho eo anoloantsika mandrakariva io Ohatra tonga lafatra io! (...) Aoka ho toy izao ny fivavakao: "Andriamanitra o! Ampahafantaro ny momba Anao aho, ka noho ny fahasoavanao tsy manam-paharoa no hihazonako ilay kofehy volarnena, dia i Kristy, izay nidina avy tany an-danitra ho ety an-tany, mba hamikirako Aminy ka hanintonany ahy hiakatra." – Ms 7, 1888.