"Fa hamindra fo amin'ny tsi-fahamarinany Aho, ary tsy hotsarovako intsony ny fahotany." - Heb. 8:12.
Mofon’aina:
Fitiavana miavaka tokoa no itiavan'Andriamanitra ny taranak'olombelona lavo —fitiavana nateraky ny famindrampo izany, satria tsy misy mendrika raha ny taranak'olombelona. Ny famindrampo dia midika fa tsy tonga lafatra ny olona iantefany. Noho ny fahotana no nampiasana ny famindrampo.
Halan'Andriamanitra ny fahotana, fa tiany sy iantrany kosa ny mpanota. Zanaka tiany havotana ireo zanakalahy sy zanakavavin'i Adama izay nania. Tamin'ny nanomezany ny Zanany no nanehoany tamin'izy ireo ny fitiavany sy ny fimindrampony tsy manam-petra. - ST, 24 Mey 1902.
Mitady fiaraha-miasa amin'ireo voariny marefo sy nania Andriamanitra, voary izay notolorany tombontsoa be. (...) Omena ny olona ny tombontsoa ahafahany miara-miasa am in ' Andriamanitra ho famonjena ny fanahiny. Aoka izy handray an'i Kristy ho Mpamonjy ny tenany manokana ary koa h i no Azy. (...)
Novolavolaina nandritra ny flan-kevitry ny Ray sy ny Zanaka ny drafi-panavotana. Ary i Kristy dia nanolo-tena mba ho eo amin'ny toerana tokony hisy ny olona raha toa misy ny tsy fahatokiany amin'Andriamanitra. Nanolo-tena Izy mba hanao fanavotana izay hampihavanana ny fanahy mino rehetra amin'Andriamanitra. Izay mametraka ny fahotany eo amin'ilay Mpisolo sy antoka ho azy dia afaka hiombom-peo amin'ny apostoly manao hoe: "Isaorana anie Andriamanitra Rain'i Jesosy Kristy Tompontsika, Izay nitahy antsika tao amin Kristy amin'ny fitahiam-panahy rehetra any, an-danitra." - Efes. 1:3 "Mba hasehony amin'ny andro ho avy ny haben 'ny haren'ny fahasoavany amin'ny fahamoram-panahiny amintsika ao arnin Kristy Jesosy." – Efes. 2:7.
Tamin'ny fitiavany tsy manam-petra no namolavolan'i Kristy ny drafi-pamonjena. Ary vonona mandrakariva izany drafitra izany hotanterahina ho an' izay rehetra manaiky hiara-miasa Aminy. Ho azy ireo no ilazan'i Kristy amin'ny Ray hoe: "Aza isaina ny fahotany, faaoka Izaho no hitondra izany. (...) Efa nandray ny Fahamendrehako izy ary efa nihavana Amiko, (...) Efa noraisiny ny Fahamarinako, ka tahio amin'ny fitahiam-panahy izy ireo noho ny Amiko." - ST, 27 Febroary 1901 (RH, 28 Mey 1908)