"Fa ny Ray dia tia anareo satria hianareo efa tia Ahy, ary efa nino fa nivoaka avy tamin'ny Ray Aho." Jao. 16:27.
Mofon’aina:
Raikitahotra isika eo am-pi banj inana ny fahamasinana sy ny voninahitr'Ilay Andriamanitr'izao rehetra izao, satria fantatsika fa noho ny fitiavany ny rariny dia tsy hanamarina ny meloka Izy. Saingy tsy ilaintsika ny hitoetra ao anatin'ny tahotra, satria efa tonga teto an-tany i Kristy mba haneho ny tena toetran'Andriamanitra sy hanazava amintsika ny fitiavan'ny Ray an'ireo izay efa natsangany ho zanaka. Tsy ny zava-mahatalanjona eo amin'ny natiora ihany no tokony hanombanantsika ny toetran'Andriamanitra, fa ny fiainany tsotra sy feno fitiavana izay niainan'i Jesosy koa, izay naneho an'i Jehovah ho mpamindra fo sy mangoraka ary malemy fanahy mihoatra noho ireo ray aman-dreny niteraka antsika.
Nasehon'i Jesosy fa Andriamanitra irery ihany no mendrika itokiantsika sy itondrana ny faniriantsika. Rehefa raiki-tahotra isika manoloana an' Andriamanitra ka manafotra ny fisainantsika ny voninahiny sy ny fiandrianany, dia i Jesosy izay Solontenany no asainy jerentsika. (...) Ny hazo fijalian'i Kalvary no maneho amin'ny olona ny fitiavan'Andriamanitra. Asehon' i Kristy amin'ny maha Andriamanitra fitiavana Azy ilay Mpanjakan'izao rehetra izao. Tamin'ny alalan'ny mpaminany no nitenenany hoe: "Fitiavana mandrakizay no nitiavako anao, koa izany no nampaharetako famindrampo ho anao." - Jer. 31:3.
Amin'ny alalan'ny fahamendrehan' ny anaran'i Kristy no ahafahantsika manatona an'Andriamanitra, ary asainy isika hitondra eo Aminy ireo fizahan-toetra sy fakam-panahy mianjady amintsika, satria takany ireny rehetra ireny. Tsy sitrany raha amin'ny sofin'olombelona no hamborahantsika ny fahoriantsika. Amin'ny alalan'ny ran' i Kristy no ahafahantsika manatona ny seza fiandrianan'ny fahasoavana (...) amin'ny fotoana tnahory. (...)
Toy ny fandrisihan'ny ray aman-dreny eto an-tany nyzanany hanatonaazy amin'ny fotoana rehetra no itaoman'ny Ray antsika koa hitondra eo Aminy ny faniriana sy ny zava-manahirana antsika, ary ny fankasitrahana sy ny fitiavantsika. Azo antoka avokoa ny teny fikasana tsirairay avy. I Jesosy no antoka sy Mpanelanelana antsika, ary efa nomeny antsika ny loharanom-pahalalana rehetra ilaina mba hananana toetra tanteraka. — YI, 22 Septambra 1892.