"Lazaiko aminareo fa hisy fifaliana toy izany any an-danitra ny amin'ny mpanota iray izay mihebaka noho ny amin'ny olona marina sivy amby sivi-folo, izay tsy misy tokony hibebahany." - Lio. 15:7.
Mofon’aina:
Maneho ny fiahian'ilay Mpiandry lehibe ny fanoharana kanto nataon'i Kristy momba ny ondry very iray sy ny nandaozan'ny mpiandry ireo sivy amby sivifolo mba hitady ilay very. Tsy naneho tsy fisainana manoloana ireo andian'ondry tao am-bala izy ka nanao hoe: "Manana ondry sivy amby sivifolo aho, ary hanahirana ahy loatra ny hitady ilay ondry iray very; aoka izy no hiverina dia hosokafako ny varavaran'ny vala ary hasaiko miditra izy (...)" Tsy izany fa namerimberina nanisa ny andian'ondry izy ka nony azony antoka fa very ny ondry iray, dia tsy natory izy tsy akory. Nilazaony ireo sivy amby sivifolo tao am-bala; na dia mikitroka sy mahatahotra aza ny arma, na dia sarotra sy mikisilasila aza ny lalana, na dia maharitra sy manasatra aza ny fikarohana, dia tsy sasatra izy na nangozohozo, fa nitady mandra-pahitany ilay very.
Ary rehefa hita ilay very, moa ve izy naneho fangatsiahana? (...) Nandrahona sy nikapoka io ondry io ve izy, na nandroaka azy teo alohany
no sady nitantara taminy ny fangidiana sy ny fitaintainana tsapany noho ny aminy? Tsy izany, fa napetrany teo an-tsorony ilay ondry nania izay reraka sy ana, ary niverina nankany arnin'ny vala izy. Hiram-pifaliana rnahafinaritra no nanehoany ny fankasitrahany, ary namaly ny hiram-piravoravoany ny antoko mpihiran'ny lanitra (...). Hoy i Jesosy: "Izaho no mpiandry tsara; ary fantatro ny Ahy, sady fantany Aho" - Jao. 10:14. Tahaka ny ahafantaran'ny mpiandry ondry ety an-tany ny ondriny no ahafantaran'ilay Lehiben'ny Mpiandry ny andian'ondriny izay miely eran'izao tontolo izao. (...) "Ary ny aminareo ondriko - ondry .fiandriko - olona hianareo, ary Izaho no Andriamanitrareo, hoy Jehovah Tompo." - Ezek. 34:31. - RH, 23 Aogôsitra 1892.
Na ambany na ambony ny toerana misy antsika, na ao anatin'ny aloky ny fahantrana isika na eo amin'ny taratra mamirapiratry ny harena, dia ondry tandremany ary eo ambany fiahian'ilay Lehiben'ny Mpiandry. - 23 Aogôsitra 1892.