"Mitadiava an 'i Jehovah, hianareo mpandefitra rehetra amin'ny tany, izay nanaraka ny fitsipiny; tadiavo ny fahamarinana, tadiavo ny fandeferana; angamba ho voafina hianareo amin 'ny andro fahatezeran'i Jehovah." — Zef. 2:3.
Mofon’aina:
Mmanoloana ny toe-javatra izay hitranga tsy ho ela eto an-tany, dia miangavy anareo aho, ry anadahy sy rahavavy, mba handeha eo anatrehan'Andriamanitra amin'ny fahalemem-panahy sy ny fietrena (...). Ny malemy fanahy rehetra amin'ny tany dia ampirisihina hitady Azy. (...) Aoka ho torotoro eo anatrehan'Andriamanitra ny "izaho". Sarotra ny manao izany, nefa asaina mianjera eo amin'ny Vatolampy isika ka ho torotoro, raha tsy izany dia Izy no hianjera amintsika ka hanorotoro antsika ho vovoka. (...)
Inona no atao hoe Kristianina? Midika ho fanahafana an'i Kristy sy fanaovana ny asany izany. Misy ireo tsy mahomby amin'ny lafiny iray, ny sasany indray tsy mahomby amin'ny lafiny hafa. (...) Isaky ny misy fanafintohinana na fitsapana madinika, dia angataho amim-bavaka mangina Andriamanitra mba hanome anao hery sy fahasoavana hahazakanao izany amim-paharetana. Misy hery ao amin'ny fanginana; koa aza manonona na dia teny iray monja aza raha tsy efa avy nampakatra ny fangatahanao tany amin'Ilay Andriamanitry ny lanitra.
Raha ataonao mandrakariva izany, dia ho resinao ny toetra mora tezitra ary hiaina sombin-danitra etj, an-tany ianao ho fiomanana ho amin'ny lanitra.
lrin'Andriamanitra ho madio tanana sy mahitsy fo ny vahoakany. Moa ve izany hampahory azy ireo? Hahatonga tsy fifaliana ao amin'ny ankohonany ve raha toa izy tsara fanahy sy mahari-po, ary mahalala fomba sy mandefitra? Tsy izany velively. (...) Raha tsy vonona hiara-monina amim-pilaminana eto an-tany ny tsirairay ao anatin'ny ankohonana, dia tsy mbola vonona ny hiara-monina amin' ny fianakaviana izay hanodidina ny seza fiandrianana fotsy lehibe izy ireo. (...)
Tokony hanao izay hisarahana amin'ny fahotana isika ary hiantehitra amin'ny fahamendrehan'ny ran' i Kristy; ka rehefa ho avy ny androm-pahoriana, rehefa hanenjika antsika ny fahavalo, dia hiara-mandeha amin'ny anjely isika. Ho toy ny rindrina afo manodidina antsika izy ireo, ary hiara-mandeha amin'izy ireo isika indray andro any, ho any amin'ny tanànan' Andriamanitra. - RH, 19 Nôvambra, 1908