"Fa fantatrareo ny fahasoavanˋi Jesôsy Kristy Tompontsika, fa na dia nanan-karena aza Izy, dia tonga malahelo noho ny aminareo, mba hampanan-karena anareo ny alahelony." — 2 Kôr. 8:9.
Mofon’aina:
Nitsidika ny lapan' ireo mpanjaka tany Frantsa izahay, fony mbola notapahin'ny mpanjaka io firenena io. (...) Nitopy tany amin'ireo mpanjaka izay namakivaky ireo efitra lehibe ireo ary manana ny sariny mipetraka eo amin'ny rindrina ny saiko. Aiza izao ny voninahitra (...) nananan' izy ireo? (...)
Rehefa izay, dia tsaroanay ny momba an' i Jesosy, izay tonga teto an-tany tamin'ny fikasany feno fitiavana, nanaisotra ny akanjom-piandrianany sy ny satroboninahiny, (...) nitahy ny maha olombelona, ary tonga teto an-tany mba ho "Lehilahy ory sadv zatra fahoriana". Teny anivon'ny mahantra Izy, nitahy ireo azom-pahoriana, nanasitrana ny marary, nampitony ny fanaintainana nentina nandritra ny taona maro, nikasika tamin'ny fangorahan'ny lanitra ny olombelona ory sy fadiranovana indrindra. Eny fa na ny alahelo sy ny zava-nanahirana ny ankizy aza dia hitany. (...)
Nirahina ho mpitondra hafa-pamindrampo ho an' ireo ory sy mijaly ny anjely. Ireo anjely avy any amin'ny fanjakan' ny mazava ireo (...) no nalefa hamita iraka mitory fitiavana sy fiahiana ary famindrampo amin'ny olombelona mijaly. Kanefe misy sary mampiseho fietrena lehibe kokoa noho izany: ny Tompo, Zanak'ilay Ray tsy manam-petra (...) ilay Mpanjakan'ny mpanjakan'ny tany (...)
Inona no asan'ny anjely raha oharina amin'ny fanetren-tenan'i Kristy? Hatrizay hatrizay ny seza fiandrianany. Izy no nanorina ny tsato-kazo sy ny andry rehetra ao amin'ny tempoly lehiben'ny natiora. lzy Ilay niandohan'izao zavatra noharin'Andriamanitra izao, Ilay mahisa ny kintana, Ilay nahary izao rehetra izao ka ity tany ity dia toy ny poti-javatra kely monja ao anatin'izany ary tsy ho tsikaritra akory raha tsy eo, tahaka ny ravina kely nihintsana avy amin'ireo hazo ao an'ala. Ny firenena rehetra eo anatrehany dia tahaka ny "rano indray mitete avy amin'ny siny" sy "vovoka madinika amin'ny mizana." – Isa. 40:15.
Saintsaino ny amin'Ilay Tompo, Mpanavotra be voninahitra, mponina any amin'ny tontolo izay noforoniny, kanefa nolavin'ireo izay tiany hovon-jena sy hotahina. (...) Fietrena lehibe manao ahoana re no nataony ho an'ny olombelona eto an-tany! Fitiavana mahatalanjona manao ahoana izany! -Ms 75, 1886. !
"Fa fantatrareo ny fahasoavan Jesôsy Kristy Tompontsika, fa na dia nanan-karena aza Izy, dia tonga malahelo noho ny aminareo, mba hampanan-karena anareo ny alahelony." — 2 Kôr. 8:9.