"Mijery an 'i Jesosy, Tompon 'ny finoantsika sy Mpanefa azy, Izay naharitra ny hazo fijaliana, fa tsy nitandro henatra, mba hahazoany ny fifaliana napetraka teo anoloany, ka dia efa mipetraka eo amin'ny ankavanan'ny seza fiandrianan' Andriamanitra izy." Heb. 12:2.
Mofon’aina:
Midika ho fiainana fa tsy fahafatesana ny hazo fijaliana, ho an'ny fanahy izay mino an'i Jesosy. Raiso ny taratra sarobidy mitondra fiainana avy eo amin'ny hazo fijalian'i Kalvary; atsory ny tananao handray ny fitahiana. (...)
Aza mankao ambadiky ny hazo fijaliana. Aza omena toerana ny fitomaniana sy ny fitarainana ary ny fahoriana, atanjaho ny fanahinao mba hanantenasy. hifaly. Mampiandrandra ny masonao hijery ilay Mpamonjy velona ny hazo fijaliana, lzy ilay Mpisolovava anao (...) Rehefa tsy mahita afa-tsy ny aloky ny hazo fijaliana ianao, dia satria mijoro eo anelanelanao sy ny taratra mamirapiratr'llay M asoandron ' ny Fahamarinana i Satana. (...)
(...) Tsy mpahazo ahy ny resin'ny fahaketrahan'ny fanahy sy ory loatra tahaka izay tsapako nandritra ny volana vitsivitsy izay. Tsy azoko atao ny mihevitra ny fanahiko ho zava-maivamaivana ka hanao tsinontsinona ny Mpamonjiko amin'izany. Tsy azoko atao ny mampianatra fa nitsangana avy tao am-pasana i Jesosy ary niakatra ho any an-danitra sy manao fifonana ho antsika eo anatrehan'ny Ray, raha tsy efa mampihatra izany fampianarako izany aho ary mino ny Famonjeny ka hitondra ny fanahiko malemy eo amin'i Jesosy mba hanomezany ahy fahasoavana sy fahamarinana ary fiadanana sy fitiavana.
Ilaiko ny mitoky Aminy na inona na inona fiovaovana miseho eo amin'ny fihetsehampoko. (...) Tsy tokony hiovaova ny fitokiako Aminy (...) mba hiseho eo amiko ny vokatry ny fitoerana ao amin'Ilay nividy ahy tamin'ny rany sarobidy. Ilaintsika ny mianatra mino ny teny fikasana, mba hananantsika finoana mafy orina. (...)
Andeha isika hivelona eo amin'ny fahazavan'ny hazo fijalian'i Kalvary. Aza mijanona ao amin'ny aloka intsony, aza mitaraina noho ny fahoriana fa manampy trotraka ny olantsika izany. Aoka tsy hohadinointsika fa na dia mamaky ny lohasaha aza isika, dia momba antsika i Kristy, rehefa mandeha amin-toky toy ny mandeha eny an-tendrombohitra isika. - Ms 61, 1895.