"Lazaiko aminareo marina dia marina tokoa fa na inona na inona hangatahinareo amie 'ny Ray dia homeny anareo amin'ny anarako izany." - Jao. 16:23.
Mofon’aina:
Mila mivavaka amin'ny anaran'i Jesosy, Ilay Mpanalalantsika isika. Tsy misy lanjany ny vavaka ataontsika raha tsy asandratra amin'ny Anarany. Efa nototorany ilay hantsana nateraky ny fahotana. Nampiraisiny tamin'ny tenany sy tamin'ny Rainy ireo izay mino Azy, tamin'ny alalan'ny fanati-panavotana nataony. Tsy misy anarana hafa ambanin'ny lanitra nomena ny olona hahazoantsika famonjena. (...)
Tsy tokony hovesaran' ny fieritreretana ny fahotana sy ny fahadisoana vitantsika isika, ka hitsahatra tsy hivavaka intsony. Misy olona sasany mahatsapa ny halehiben' ny kilemany sy ny fahotany ka manjary kivy. Asian'i Satana aizina manaloka eo anelanelan'izy ireo sy ny Tompo Jesosy, Ilay fanati-panavotana ho azy. Dia hoy izy ireo: "Tsy mety amiko ny mivavaka, mifangaro loatra amin'ny fisainan-dratsy izany ka tsy hohenoin'Andriamanitra".
Avy amin'i Satana ny fisainana toy izany. Nanohitra sy naharesy izany fakam-panahy izany i Kristy tao amin'ny maha olombelona Azy, ary mahay mamonjy izay rehetra alaim-panahy toy izany koa. Ho antsika no nanaovany "fivavahana sy fangatahana nomban 'ny fitarainana mafv sy ny ranomaso be." — Heb. 5:7b. (...)
Raha azontsika natao ny mivavaka araka ny tokony ho izy amin'ny fahendrena sy ny herin'ny tenantsika ihany, dia ho afaka nanana fiainana marina araka ny tokony ho izy koa isika, ka tsy ho nila Ilay fanatitra nanavotana antsika. Saingy tsy misy tanteraka ny olombelona na iray aza. Beazo sy zaro ny sainao hahalala fa afaka manambara izay ilainao amim-pahatsorana amin'ny Tompo ianao. — ST, 18 Nôvambra 1903.
Fanirian'ny Tompo ny handrosoan-tsika amin'ny fi vavahana sy ny hanolorantsika fanati-panahy amin'ny finoana sy hery mitombo hatrany. (...) Ny Zanany mihitsy no efa nomeny ho fanavotana antsika. Raha manaiky Azy ho Mpamonjintsika amin'ny finoana velona isika, dia hahita sitraka am in' Andriamanitra, satria mijoro eo anatrehan'ny Rainy i Kristy, milaza hoe: "Apetraho eto Amiko ny fahotan'izy ireo. lzaho no hitondra ny fahamelohany. Ahy ireo. Efa vitako tombo-kavatsa eo am-pelatànako izy ireo." Asehony eo anatrehan'ny Rainy ireo mariky ny nanomboana Azy tamin'ny hazo fijaliana, izay marika entiny mandritra ny mandrakizay. —Ms, 91, 1901.