October 2025

Lesona 6: FAHAVALO AO ANATINY - Fianarana fanampiny

FIANARANA FANAMPINY 

Vakio "Ny nandravana an'i Jeriko", PM, toko 45, tt. 514-520, ed. 1985.

"Ny fitiavam-bola no niteraka ny fahotana izay nahatonga an'i Akana ho faty. Anisan'ny fahotana manenika amin'izao fotoana izao, nefa tsy heverina firy ny fitiavam-bola. (...)

Lesona 6: FAHAVALO AO ANATINY - Vavolombelon’i herin’Andriamanitra

VAVOLOMBELON'NY HERIN'ANDRIAMANITRA

Araka ny efa nianarantsika (jereo ny lesona 5), dia nomen'Andriamanitra tombontsoa hahafantatra Azy sy hiala amin'ny ratsy fanaony ireo firenena jentilisa. Nandà Azy anefa izy ireo ary niharan'ny fitsaran'Andriamanitra nony farany.

Vakio ny Jos. 7:6-9, izay miresaka momba ny fihetsik'i Josoa tany am-boalohany manoloana ny loza nihatra tamin'izy ireo. Diniho manokana ny Jos. 7:9. Inona no foto-kevitra teolojika manan-danja hita ao amin'ny teniny?

Lesona 6: FAHAVALO AO ANATINY - Fampidirana

Hodinihina mandritra ny herinandro: 1 Pet. 1:4; Jos. 7; Sal. 139:1-16; Ezra 10:11; Lio. 12:15; Jos. 8:1-29.

Tsianjery:

"Izaho Jehôvah no mpandinika ny fo sy mpamantatra ny voa, mba hanome ny olona rehetra araka ny alehany avy, dia araka ny vokatry ny asany."-Jer. 17:10.

Mahasalama ny mitia an’Andriamanitra.

"Fa olom-boavidy hianareo; ka dia mankalazà an’Andriamanitra amin’ny tenanareo."1 Kôr. 6:20. 

Mofon’aina:       
An’Andriamanitra ny tenantsika. Naloany ny saran’ny fanavotana ny vatantsika sy ny fanahintsika. (...) Miahy sy mampihetsika ny tenan’olombelona ny Mpahary. Raha tsy noho ny fikaraka rany tsy an-kiato dia tsy hitepo ny fo, ary tsy hanao ny asany koa ny atidoha.

Lesona 5: ANDRIAMANITRA NO MIADY HO ANAREO - Fianarana fanampiny

FIANARANA FANAMPINY 

Vakio "Ny nandravana an'i Jeriko", tt. 488-491, ao amin'ny PM.

Tahaka ny zava-drehetra ao amin'ny Baiboly, dia zava-dehibe tokoa ny fahafantarana ny tontolon-kevitra sy ny votoatiny. Araka izay hitantsika, dia manan-danja ho an'ny fahatakarana ny ady natao tamin'ireo Kananita ny fifanandrinana mahafaoka an'izao rehetra izao sy ny maha-Mpitsara an'Andriamanitra.