"Kanefa amin 'izany rehetra izany dia manoatra noho ny mpandresy isika amin 'ny alalan’Ilay Ray tia antsika." - Rom. 8:37.
Mofon’aina: Noho ny hery omen' i Jesosy, dia "manoatra noho ny mpandresy" isika. Tsy haintsika ny mamorona izany hery izany, fa amin'ny alalan'ny Fanahin'Andriamanitra ihany no ahazoantsika azy.
"Mamy dia mamy ny vavany, eny, mahate-ho-tia avokoa izy." - Tonk. 5:16.
Mofon’aina: Diniho ny fiainan'i Kristy teto an-tany. Tsy mba nohamaivamaivaniny ny adidy madinika sy tsotra indrindra. Lavorary avokoa izay rehetra nataony. Mangataha fanampiana Aminy, dia homeny anao ny hery hahatontosanao ny adidinao isan'andro amin'ny fomba tsara sy mendrika toy izay ataon'ny olona mikatsaka ny satroboninahitry ny fiainana mandrakizay.
"Hampahafantatra ahy ny lalan'aina Hianao; fa havokisam-pifaliana no eo anatrehanao, ary fahafinaretana no eo an-tananao ankavanana mandrakizay." - Sal. 16:11.
«Mba hamantaranareo izay zavatra tsara indrindra, mba ho madio am-po ary tsy hanan-tsiny ho amin'ny andron'i Kristy hianareo, sady feno ny vokatry ny fahamarinana, izay avy amin'ny alalan'i Jesosy Kristy, ho voninahitra sy fiderana an 'Andriamanitra.» - Fil. 1:10,11.
« Izaho a y ma hananany fiainana, sady hananany be dia be »- Jao. 10.10
Mofon’aina: Tsy mety hisy fitiavan-tena eo amin'ny fiainan' izay rehetra mifandray amin'i Kristy. Manana sana midadasika hampiasana ny fahaizany sy ny heriny ireo izay tia an'i Jesosy amin'ny fo sy ny saina ary ny fanahiny, sady tia ny namany tahaka ny tenany. Tsy misy talenta tokony hampiasaina ho fanomezana fahafaham-po ny tena fotsiny. Tsy maintsy maty ny «izaho», ary ny fiainantsika miafina miaraka amin'i Kristy ao amin'Andriamanitra.
«Ary izany no nahatanterahany amintsika ireo teny fikasana sady soa no lehibe indrindra, mba ho tonga mpiray amin'ny fomban’Andriamanitra amin’izany hianareo, rehefa afa-nandositra ny fahalotoana izay eo amin'izao tontolo izao noho ny filàna.» - 2 Pet. 1:4.
Izaho ao aminy, ary Hianao ato amiko, mba ho tanteraka ho iray izy, mba ho fantatr'izao tontolo izao fa Hianao efa naniraka Ahy sady efa tia azy tahaka ny nitiavanao Ahy.» - Jao. 17:23.
