"Miadia ny ady tsaran'ny finoana, hazony ny fiainana mandrakizay; fa ho amin 'izany no niantsoana anao koa sy nanaovanao ilay fanekena tsara teo imason'ny vavolombelona maro." - 1 Tim. 6:12
Mofon’aina:
Misy ady mitohy tsy maintsy atrehina, ary tsy voaro na dia iray minitra aza isika raha tsy marnetraka ny tenantsika eo ambany fiarovan'Ilay nanolotra ny ainy sarobidy mba hahafahan'ny rehetra izay mino ny maha Zanak'Andriamanitra Azy (...) mandositra ny fahalovana misy eto amin'izao tontolo izao (...). Hainy tokoa ny mampikambana ny maha Andriamanitra Azy amin'ny maha olona antsika, ho setrin'ny finoantsika. Raha matoky an'Andriamanitra isika ary koa miray amin'ny Fombany ary manao ezaka lehibe, dia mitory ny asan'i Kristy teto an-tany: ho fiadanana ho ety ambonin'ny tany ho an'ny olona ankasitrahany. Asaina isika hiresaka momba ireo loza ao ambadiky ny ady ifanaovana amin'ny fahavalo tsy hita maso ary koa hiambina, satria tsy miady amin'ny nofo aman-dra isika fa amin'ny fanapahana sy ny fanjakana ary ny fanahy ratsy eny amin'ny nvotra. (...)
Tsy midika ho tsy fisian'ny ady intsony ny fanarahana an'i Kristy. Tsy kilalaon-jaza izany, na koa fidonanaham-poana ara-panahy. Ny fifaliana rehetra ao amin'ny fanompoana an'i Kristy dia midika ho adidy masina amin'ny fiatrehana ady mivaivay matetika. Ny hoe manara-dia an'i Kristy dia midika ho fiatrehana ady mivaivay, asa mafy, ady atao amin'izao tontolo izao sy amin'ny nofo ary amin'ny devoly. Ny fifaliantsika dia ny fandresena azo ho an'i Kristy, amin'ny alalan'ny ady mivaivay.(...) Voatendry ho amin'ny asa isika, tsy ho an'ny "hanina mety ho levona, fa ny hanina izay maharitra ho fiainana mandrakizay." - Jao. 6:27. (...)
Tsy maintsy mihevitra izay sanda aloany ny tsirairay. Tsy misy olona hahomby raha tsy manao ezaka mafy. Tsy maintsy mampiasa ny herintsika rehetra isika ary manombo ny nofo mbamin ' ny faniriany sy ny filany. Zava-dehibe lavitra noho izay heverin'ny maro ny fanomboana amin'ny hazo fijaliana. (...)
Fiambenana tsy tapaka izany mba ho mahatoky hatramin'ny fahafatesana, mba hiady ny ady tsaran'ny finoana mandra-pifaran'ny ady, ary ho mpandresy isika ka handray ny satroboninahitry ny fiainana. - Ms 156, 1907