Handehananao aimn’ny làlan 'ny tsara fanahy sy hitandremanao ny alehan 'ny marina." - Ohab. 2:20
Mofon’aina:
Ao amin'ny fiaraha-monina any an-tsekoly dia matetika misy sokajin'olona roa: ireo maniry hanao ny tsara ary ireo manasa ny hafa hiditra amin'ny faharatsiana. (...)
Amin'ny fiarahana amin'ireo tsy i miraika sy tsy mena, dia mora foana ny hanaraka ny fomba fijeriny ka hamery izay rehetra fiheverana mifandraika amin'ny hevitry ny maha mpianatr 'i Jesosy. Tandremo indrindra izany lafin-javatra izany. Aoka tsy hahatonga anao hania ireo izay fantatrao amin'ny teniny sy ny asany fa tsy manana fifandraisana amin'Andriamanitra. "Ka dia ny voany no hahafantaranareo azy." - Mat. 7:20 (...)
I Satana dia mitady hampiditra ny toe-tsainy ao amin'ny fanahy rehetra izay tsy mifandray amin'i Jesosy Kristy, ary ny fanahy rehetra mandà ny hifandray Aminy dia hanjary hifandray amin'ny fahavalon'i Kristy. Misy kofehin'ny hery miasa mangina avy amin'ireny fanahy ireny izay mamatotra sy misintona ny hafa amin'ny alalan'ny fitaoman'ny olombelona, mandra-pahatonga azy ireo ho eo ambany fifehezan'i Satana, ka ho voatarika ho amin'ny lalana tsy izy. (...) Loza mananontanona ny rehetra izany. Halaim-panahy hifidy izay lalana tianao haleha sy izay tianao hatao ianao, kanefa ao anatin'izany dia ataonao tsinontsinona ny sitrapon'Andriamanitra. (...)
Aoka tsy hisy na inona na inona hanalavitra anao amin ' ny asa fanorenan-toetra; fa ataovy ny asanao ho an'izao fotoana izao sy ho an'ny mandrakizay. (...) Fiainana mirindra no iaino, ary aoka ny toetranao hovolavolaina araka ny Ohatry ny lanitra. Raha toa ianao miaina ao anatin'ny tsy firaihana ka tsy miambina amim-bavaka, dia azo antoka tokoa fa ho lavo ao anatin'ny fandriky ny fahavalo ary ho voataona hanota. (...) - L 71, 1893.
Mikasika sy mitaona ny fo rehetra i Jesosy Kristy. Rehefa tonga mpandinika ny Soratra Masina ianao, dia raketin'ny Fanahin'Andriamanitra ao am-po izay mahakasika an' Andriamanitra. Ny kofehy vol amena avy amin'ny fanahin ireo izay manao an' Andriamanitra ho heriny dia mamatotra ny hafa amin'ny alalan'ny hery miasa mangina ary misintona azy ireo hankeo amin'i Kristy. Izany no asa tokony hataon' izay mametraka ny fanorenany eo ambonin'ny vato fehizoro sarobidy, satria miara-miasa amin'i Jesosy Kristy izy ireo. - L 71, 1893.