"Aoka tsy haloaky ny vavanareo izay teny maloto, fa izay tsara ho fampandrosoana, araka izay tokony hanaovana, mba hahazoan 'ny mihaino fahasoavana." - Efes. 4:29
Mofon’aina:
Teo anatrehan'ny fironan'ny olona hanararaotra ny fanomezam- pahasoavan'ny fiteny, dia nanome toromarika mikasika ny fampiasana izany ny apostoly. Hoy izy: "Aoka tsy haloaky ny vavanareo izay teny maloto fa izay tsara ho fampandrosoana." - Efes. 4:29. Ny teny "maloto" eto dia izay teny rehetra manimba ireo fitsipika masina sy ny fivavahana tsy misy pentina, ny teny rehetra izay manakona an'i Kristy sy mamafa ny tena fitiavana sy ny fangorahana marina ao an-tsaina. ( ...)
Fikasan'Andriamanitra ny hahitana ny voninahitr'i Kristy eo amin' ireo zanany. Foto-kevitra madio tsy miharoharo zavatra hafa no hita tao amin'ny fampianaran'i Kristy. Tsy mba nanota Izy, ary tsy nisy fitaka tao am-bavany. Fahamarinana masina sy manandratra mandrakariva no teo imolony. Tsy mbola nisy niteny tahaka Azy, tamin'ny fitiavana izay nikasika ny fo. (...) Tsy mba niala tamin'ny vavany ny fahamarinana. Tamim-pahasahiana no nampiharihariany ny fihatsarambelatsihin' ireo mpisorona sy ny mpanapaka, ny Fariseo sy ny Sadoseo. (...)
Aseho mazava ao amin'ny Tenin' Andriamanitra ny andraikitra lehibe mifamatotra amin'ny fampiasana ny talentan'ny fiteny: "Fa ny teninao no hanamarinana anao, aiy ny teninao no hanamelohana anao," hoy i Kristy (Mat. 12:37). Ary ny mpanao Salamo dia manontany hoe: "Jehovah ô, iza no hitoetra ao amin 'ny tabernakelinao? Iza no honina ao an-tendrombohitrao masina? Izay mandeha tsy misy tsiny ary manao izay mahitsv, sady misaintsaina ny marina ny fony; tsy manendrikendrika amin 'ny lelany, sady tsy manisy rats), ny sakaizany, ary tsy manao izay hahafa-baraka ny namany" Sal. - RH, 12 Mey 1910.
Kolokoloy ao an-tsaina ny fitiavam-bavaka ary zaro ny lelanao hiteny ny marina izay hitondra fitahiana ho solon'ny fahakiviana. (...) Resaho ny fahatsaran'Andriamanitra sy ny famindrampony ary ny fitiavany. Esory ny teny mitory tsy finoana sy izay rehetra tsy misy heviny. Aoka ny teninao ho feno fahendrena, tsy ho azo melohina, dia hitoetra ao amin'ny fanahy ny fiadanan'i Jehovah. - Ms 151, 1898.