"Mba ho hita ho fiderana sy voninahitra ary fankalazana ny fizahan-toetra ny finoanareo (izay tsara lavitra noho ny volamena mety ho simba, na dia voazaha toetra tamin'ny afo aza), dia amin'ny hisehoan'i Jesosy Kristy."- 1 Pet. 1:7
Mofon’aina:
Rehefa entina eo amin'ny toe j ava-tsarotra isika, rehefa fohazina reo fihetsehampo maha-olona antsika ary to haneho izany isika, dia sedraina ny finoantsika; amin'izay no tokony hanehoantsika ny fahalemem-panahin'i Kristy. Tsy tokony hisy na dia teny fray aza anehoantsika ireo fientanan'ny fo ara-nofo. "Raha misy olona tsy mba tafintohina amin'ny teny, dia izy no lehilahy tanteraka ka mahafehy ny tenany rehetra koa."- Jak. 3:2. (...) Ny hofehezin'i Jesosy no irintsika. (...) Nandre olona nanala tsiny ny tsy nety nataony aho, hoy izy: "Efa izay mihitsy ny toetrako, ary izay no fironana ao anatiko nolovaiko avy tamin'ireo ray aman-dreniko." Eny tokoa, nikolokolo izany izy ireo ary nanazatra ny tenany ho toy izany ka manala tsiny ny fanaovan-dratsiny. Tsy tokony hilefitra amin'ny fakam-panahy izy fa hifikitra amin'ilay Hery mandrakizay ka hanao hoe: "Hanatona an'Andriamanitra amin'izao toetrako izao aho, ary hitalahc amin'i Kristy mba hanome ahy fandresena. Hihoatra noho ny mpandresy aho amin'ny alalan'ilay tia ahy."
Jereo Kalvary mba hahatakaranao ny haben'ny fitiavan'i Jesosy anao. (...) Ho hitanao amin'izany ny fietren'Andriamanitra sy i Jesosy Kristy Tompo raha nidina tsikelikely ho any amin'ny lohasahan'ny fahafaham-baraka ny Mpamonjy. Tsy nitotongana ho amin'ny fahotana sy ny fahalotoana Izy, fa nijoro teo amin'ity tontolo kely ity mba hiady amin'i Satana sy ny tafiny. (...)
Rehefa niakatra ho any an-danitra Izy, ary nitondra babo maro, dia nanolotra fanomezana ho an'ny olombelona. Navelany ho eo an-tanantsika ny ady, nefa tsy natao hiady amin'ny herintsika samirery isika, ho resy mantsy isika raha manandrana manao izany. I Kristy sy ny Ray no maniraka ireo anjeliny tsy hita maso hanampy antsika. (...) Finoana tsotra sy ny fahalemem-panahy ary ny fanetren-tenan'i Kristy no ilaintsika. Amin'izay isika dia hitoky tanteraka amin'ilay Tompon'ny lanitra, ary ho eo ankavanantsika Izy ka hanohana antsika.- RH, 8 Marsa 1892.