"Hahita ny tavany [izy ireo], ary ny anarany dia ho eo amin'ny handriny." - Apôk . 22:4.
Mofon’Aina :
Tsy hitantsika ankehitriny ny voninahitr'Andriamanitra, kanefa ny fandraisantsika Azy ankehitriny no hahafahantsika tsikelikely hahita Azy mivantana. Asain'Andriamanitra mibanjina Azy isika, mba tsy hifantohantsika amin'ireo zavatr'ity tany ity. Tsy manam-potoana isika hanemorana ny fiomanana izay manomana antsika amin'ny fanatrehana ny tavan'Andriamanitra. (...)
Amin'ny fibanjinana an'i Jesôsy ilay Zanak'ondrin'Andriamanitra sy ny fanarahana ny dian-tongony ihany no hahafahanao miomana hihaona amin'Andriamanitra. Manaraha Azy dia handeha eo amin'ny lalana volamenan'ilay tananan'Andriamanitra ianao. Hahita Hay namela ny fitafiana maha-mpanjaka Azy sy ny satroboninahiny ianao, Ilay nitafy ny maha-olombelona sy tonga teto amin'ny tontolontsika ary nitondra ny otantsika, mba hanandratana antsika sy hanehoana amintsika ny Voninahiny sy ny Fiandrianany. Hahita Azy mivantana isika raha manaiky hovany sy hovolavolainy ary homaniny ho amin'ilay fitoerana any amin'ny fanjakan' Andri
Natolony an'Andriamanitra ny fisainan'izy ireo teto amin' ity tontolo ity, nanompo Azy tamin'ny fony sy ny fisainany izy, ary izao dia hataon'Andriamanitra eo amin'ny handrin'izy ireo ny Anarany. "Ary tsy hisy alina intsony; (...) fa ny Tompo Andriamanitra no hanazava azy; ary hanjaka mandrakizay mandrakizay izy." - Apôk . 22:5. Tsy miditra ao tahaka ny mpangataka fitoerana izy ireo satria izao no holazain'i Kristy aminy: "Avia hianareo izay notahin'ny Raiko, mandova nyfanjakana izay voavoatra ho anareo hatrizay nanorenana izao tontolo izao"- Mat. 25:34. Raisiny ho zanany izy ireo ka ilazany hoe: "midira amin'ny fifalian'ny Tomponao." Apetraka eo amin'ny handrin'ireo mpandresy ny satroboninahitry ny tsy fahafatesana. Mandray ny satroboninahiny izy ireo ary manipy izany ho eo an-tongotr'i Jesôsy, mitendry ny lokanga volamenany izy ary mameno ny lanitra amin'ny feon-kira kanto ho fiderana Ilay Zanak'ondry. Rehefa izay dia "hahita ny tavany [izy ireo], ary ny anarany dia ho eo amin'ny handriny." - TMK, t. 364.